१ पत्रुस 1:18 - थुलुङ राई

¹⁸ इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।

१ पत्रुस 1:18 Iomraidhean Croise

मर्कूस 8:37

मु़चु़का हाम ग्‍वाक्‍साका उमा साम ख्‍लोमु चाप्‍सु़ मा?

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

१ कोरिन्थी 3:20

मेम्‍मा आथावो माम्‍चु़नीकु सिजेमका र्‍वा, “नेप्‍चीनुङमा मु़चु़मिमकु न हाम ना हामकाम र्‍वाक्‍पा ङाचो़का चमी।”

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

१ कोरिन्थी 7:23

माम्‍चु़नीका इनीमा थि सोम्‍डिमा भ्रेन्‍निमिम बु, मेम्‍मिमका मु़चु़मिमकु डु़ल्‍चो़ मेदु़म्‍नी।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

हिब्रू 9:12

येशू ख्रीष्‍ट खोत्‍लेडाम सेपा मेराम खोमडा हेल्‍लो लोवोकाम लागि कोखेपङा हुम्‍डी। गुइलाई हेल्‍लो लोवो सेल्‍सिक्‍पा बेसाका गुमी मे डोक्‍पु खोमगोनो छ्‌वारा नुङ बेनोकु सिसि लक्‍साका मेएँ उनीमा त्‍वाकु सिसिङा लक्‍साका मेगोनो हुम्‍डी।

१ पत्रुस 1:7

मुका खारेबु़मिम लावो हुक्‍पामा लक्‍पा सो़नाडाम वो इनीमा थो़र हापा थिकाम बु। आरेप्‍माम दु़खाका इनीमा थो़र आच्‍छाङा र्‍वाक्‍पा रेम्‍बु़। मेराम हापा दु़खामिमलामका इनीमा थो़र भाल-आथो़ मेदु़म्‍पामा येशू ख्रीष्‍ट सु़म्‍दिसेरडा रेम्‍बेम्‍सिप्‍मिमिम नेम ओराम थो़रका इनीमा नङ कोक्‍सु़, यु़म झ्‍वाबेडु़ मा डोक्‍पु दु़म्‍बेनी।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।