१ पत्रुस 1:17 - थुलुङ राई

¹⁷ माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

१ पत्रुस 1:17 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

मत्ती 6:9

गानी ने आरेसाका सो़म्‍दी बेनी: ‘पाह्रीला बाट्‍पा आकीमा पाप, इनीमा सेपा नङ कोसिनु़,

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

२ कोरिन्‍थी 1:2

माम्‍चु़नी इकी पाप नुङ ङाचो़ येशू ख्रीष्‍टका गानीलाई दिदाम नुङ न-भ्रसी ग्‍वानिमिनु़।

२ कोरिन्‍थी 5:6

मेम्‍मिमका हेल्‍लो लोवो इकीमा सो हन्‍होम बु। गुइ ओराम मिरो़मडा बुइमिमसम्‍म ङाचो़डाम होनोवा दु़म्‍सी र्‍वाक्‍पा ल्‍वा चडिम बु।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 7:11

माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

गलाती 2:6

मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

एफिसी 6:9

गानी नेमहपनी, इनीमा डु़ल्‍चो़मिमलाई जो़होम नु़म बेनी मा ङिम सान्‍मु डिट्‌नी। नेमहप नुङ डु़ल्‍चो़ निफिकाम पाह्रीला नेमहप कोलेङा बुमी मा गुमीका चोमिक्‍सी मेबोमी र्‍वाक्‍पा ल्‍वा मिम्‍सिट्‍नी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

कलस्‍सी 3:25

उहेमका मेजो़पा बु़, मेम बु़डु़मका गु मेजो़पाङा बेला सो़सी मा माम्‍चु़नीका मेफ्‍वाक्‍साका मेर्मिम खोत्‍लेलाई देन्‍दे ग्‍वामी।

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।