१ पत्रुस 1:13 - थुलुङ राई

¹³ मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

१ पत्रुस 1:13 Iomraidhean Croise

मत्ती 20:4

मेकोतिमा गुका मेर्मिमलाई र्‍वाक्‍ता, ‘गानी वो आमा अङ्‍गूर येडा खारी बेप्‍डा लक्‍नी। गानी ल्‍वामु बासिट्‌पा खउलुङ गो ग्‍वानिनी।’

लूका 12:35

“इनी थ्‍वाक्‍पुरी खिप्‍निमा झो़म्‍सिट्‌नी, मा इनी धिप्‍रीमिम चान्‍जो़ल्‍नी।

लूका 17:30

“मिनीचो़ योमिमनेम वो मेम्‍साकाङा मु़चु़मिम मेझो़म्‍सिट्‌मी।

लूका 17:8

हाम गुका आरे मेर्‍वा मा? ‘आमा लागि जाम खोङसाक्‍ङी, मा थ्‍वाक्‍पुरी खिम्‍सामा गो पोमु-डुमु दु़म्‍पुमिमसम्‍म आमा चापे-डुपे बे। मेम्‍मा कोङङा गाना पे-डुङा।’

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

१ कोरिन्थी 1:7

मेम्‍मिमका इकी ङाचो़ येशू ख्रीष्‍ट आथावो योमी र्‍वाक्‍साका गानी छो़म लन्‍थानिलो माम्‍चु़नीका ग्‍वाक्‍निमिम राप्‍लावाका मेलिट्‌पा मेबुनी।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

एफिसी 6:14

मेम्‍मिमका झो़म्‍सिसाका येम्‍सिट्‌नी। आच्‍छाङाकाम ल्वाकु खिम्‍खिरी खिम्‍सिट्‍नी, मा धक्‍ची बोपा-थार्पा जो़पा न-गोनुङमा धक्‍चीख्रेम फन्‍सिट्‌नी।

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

हिब्रू 10:35

मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 6:19

मेराम हाम-हुम ल्‍वापा नकाङा गुइलाई झेथाक्‍सा मा मेराम थो़रलु़इमिम नुङ भाल-आथो़ मेदु़म्‍पा बु। हाम-हुम ल्‍वापा ओराम नका रिपा-येगोनोम माम्‍चु़नीकु बाखोपगोनो लक्‍सा।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

१ पत्रुस 1:10

गानी ल्‍वामु खाम्‍निमिम दिदामकु दुथाम जेपा माम्‍चु़नीलाम-जेपामिमका ओराम सेल्‍सीलाई जो़होमका माल्‍मिडी-ख्‍लोम्‍डी मा थेसिथेन्‍मु माल्‍मिडी।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।