7 येशूकु दुथाम गुइनुङ सो़पा सुले बुमी:
गु जेत्तोङा बु़डु़लो झ्वाक्पा खासेका मेर्मिमलाई हुप्डु़मी, मा मे खासेलामका कोले लो़लामका आरे र्वाक्ता, “ओराम गो छो़म द्वाक्पुमिम आमा तारापाचो़, ओरामडाम छो़म गेर्सिद्वाक्पा बुङु। ओरामका र्वामिम थो़नी।”
लावो मेरामका थो़मु मेबिसावा माला कोले लोवो नले लोवो मु़चु़नुङ मेरामकाडा लक्सा, मेम्साका नले लोवो सुले लोवो सो़पाका गाना मुमा बेट्नाम ल्वा आच्छाङा रेम्बोमिनु़।
मेम्मिमका लक्निमा खोत्ले सामाडाम मु़चु़मिमलाई आमा सीसिपा दु़म्बेट्नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्वाक्निमी,
सु़म्दिमोलो सिजेम बाम्डी। सिजेम माम्चु़नीनुङ बाम्डी, मा मे सिजेम माम्चु़नी बाम्डी।
गो नुङ पाप कोलेङा।”
ए पाआ, गानी हाङकोम यु़म-झ्वासिक्पा बुनी र्वाक्पा रेम्बेनी।” मेकोतिमा पाह्रीलामका कोले लो़लामका र्वाक्ता, “गो ओराम यु़म-झ्वाक्तोम बु, मा आथावो ओराम यु़म-झ्वाक्पु।”
माम्चु़नीकु दुथाम सो़पा पेल गुमी सो़। उनीमा ल्वाडा सु़म्दिसेरडाम मु़चु़मिम बुमु मेचाम्मी, हेङालोने मेर्मिमका गुमीलाई मेल्वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्मी, मा गानीनुङ दु़म्मी।
“जेप्साक्पा योमी, उहेमलाई पापलामका गो गानीडा थु़रु। पापलामका योक्पा आच्छाङाम पेल गुमी, गुमीका आमा दुथाम सो़मी।
त्वारो़म ग्वाक्पा यु़म पापकाडा बुमिम होम्साका त्वारो़म ग्वाक्पा यु़म पापका उनीमा तारापाचो़लाई ग्वाम्डिम बु।
आमा दुथाम गो त्वाकाङा सो़उ, मा गोलाई थु़र्पा पापका आमा दुथाम सो़मी।”
येशूका र्वाम्डी, “गो आ त्वाकाङा यु़म-झ्वाबेट्पुवा माला ने मेराम हाम ना हामकाम दु़प्सावा। आमा यु़म-झ्वाबेट्पा ने आमा पाप बुमी, उहेमलाई गानी ‘आकीमा माम्चु़नी’ र्वानी।
माम्चु़नीका येशूलाई कोम्डिमा उनी जो़पलाम जु़ल्मिडी, मा ङादोङा माम्चु़नीका र्वाम्डिम होम्साका येशूका माम्चु़नी-पेल रम्डी। मेराम पेल अम्डिम ङा ओम्लो गानी ल्वानिमिम थो़निमिम सो़।
गुकु ओर्मिम खोत्ले ल्वा आकी मिक्सीका ङा ल्वात्तोकोम बु, मा गुमीका र्वामिमिम थो़पामिमलाई माम्चु़नीका ग्वाम्डिम उनी पेलका वो मेराम सो़मी।”
ङाचो़ येशू ख्रीष्टकु दिदाम, माम्चु़नीकु रिखाम नुङ माम्चु़नी-पेलकु सामा घ्रो़म्सी गानी खोत्लेनुङ दु़म्नु़।
सु़म्दिमोलो आथामङा बाट्पा कोले, गुमीलाई गुकु ल्वात्तोकोम थो़त्तोकोम बु। गुकु आकी मिक्सीकाङा गुमीलाई ल्वात्तोकोम बु, मा आकी ल्वाकाङा गुमीलाई लु़प्तोकोम बु। गुमी येशू ख्रीष्ट, त्वारो़म ग्वाक्पा सिजेम।
येशू ख्रीष्टका उनीमा कु-रु़दु़मका नुङ क्रूसडला सिसि हासाका मु़चु़ दु़म्साका रेम्बेम्डी। कुका कोङङा मेएँ, कुका नुङ सिसिका। मेम्मा ओराम आच्छाङा र्वाक्साका माम्चु़नी-पेलका गुइनुङ सो़मी।
माम्चु़नी-पेल, कु नुङ सिसि। ओर्मिम सुलेका कोलेङा सो़मी।
गुमीका सीसिडा प्लु़म्मा ब्लाङमा फम्तासिम्डी, मा उनीमा नङ “माम्चु़नीकु सिजेम” बाइडा।
