१ यूहन्‍ना 4:8 - थुलुङ राई

⁸ सु़का रिखाम मेबु़ मेराम मु़चु़का माम्‍चु़नी मेछेडु़, हेङालोने माम्‍चु़नीका खोत्‍ले मु़चु़लाई रिखाम बोमी।

१ यूहन्‍ना 4:8 Iomraidhean Croise

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

एफिसी 2:4

लावो माम्‍चु़नी छो़म न-थो़मनुङमा बुमी मा गुइलाई छो़म रिखाम बेसाड्‌डामी।

हिब्रू 12:29

हेङालोने इकीमा “माम्‍चु़नी ने छो़रो़प बेपा मु होप्‍माम सो़।”

१ यूहन्‍ना 1:5

ओराम सिजेम येशू ख्रीष्‍टलामका गुकु थो़त्तोको मा गानीनुङ सो़कुमिम। माम्‍चु़नी ओल बुमी मा गुमीडा तुकुम्‍चिम बुमुङा मिबु।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 2:9

उहेमका गु ओलडा बुङु र्‍वा लावो उमा वा-ल्‍वाकलाई घ्राम्डु़ माला गु आथावो तुकुम्‍चिमडाङा बु।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

१ यूहन्‍ना 3:6

ख्रीष्‍टडा बाट्‌पा सु़का वो छु़ल बु़होम मेबु। छु़ल बेपाम बाट्‌पा मु़चु़का गुमीलाई ल्‍वास्‍तु़म बु ना गुमीलाई छेड्‌डु़म बु।

१ यूहन्‍ना 4:16

माम्‍चु़नीका हाङको छो़म रिखाम बेसाड्‌डामी, मेराम गुइ च, मा गुमीडा थो़र लु़इ। माम्‍चु़नीका खोत्‍ले मु़चु़लाई खोत्‍लेडा रिखाम बोमी, मा उहेम मु़चु़ रिखामडा बु मेराम मु़चु़ माम्‍चु़नीडा बु मा माम्‍चु़नी मेरामकाडा बुमी।

१ यूहन्‍ना 4:7

द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।