१ यूहन्‍ना 4:5 - थुलुङ राई

⁵ ओर्मिम मु़चु़ सु़म्‍दिसेरकाम सो़। मेम्‍मिमका ओर्मिम मु़चु़का सु़म्‍दिसेरडामङा ल्‍वा बोमी। मेम्‍मा सु़म्‍दिसेरडाम मु़चु़का मेर्मिमकु ल्‍वा थो़मी।

१ यूहन्‍ना 4:5 Iomraidhean Croise

लूका 16:8

“मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

यूहन्‍ना 17:16

गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

यूहन्‍ना 3:31

“गेले पाह्रीलामका योक्‍पा गुमी खोत्‍लेडाम डोक्‍पु बुमी। सुबुलाम रोक्‍पा ने सुबुडामङा सो़, मा सुबुडामङा ल्‍वा बु़। पाह्रीलाम योक्‍पा गुमी ने खोत्‍लेडाम डोक्‍पु बुमी।

यूहन्‍ना 8:23

येशूका र्‍वाम्‍डी, “गानी धालु़म मु़चु़, गो गेलेम। गानी ओराम सु़म्‍दिसेरडाम, गो ओराम सु़म्‍दिसेरडाम मेएँ।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।