१ यूहन्‍ना 4:12 - थुलुङ राई

¹² सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

१ यूहन्‍ना 4:12 Iomraidhean Croise

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

हिब्रू 11:27

थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

१ यूहन्‍ना 4:16

माम्‍चु़नीका हाङको छो़म रिखाम बेसाड्‌डामी, मेराम गुइ च, मा गुमीडा थो़र लु़इ। माम्‍चु़नीका खोत्‍ले मु़चु़लाई खोत्‍लेडा रिखाम बोमी, मा उहेम मु़चु़ रिखामडा बु मेराम मु़चु़ माम्‍चु़नीडा बु मा माम्‍चु़नी मेरामकाडा बुमी।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

१ यूहन्‍ना 4:6

लावो गुइ ने माम्‍चु़नीकाम सो़। मेम्‍मिमका उहेम मु़चु़का माम्‍चु़नी छेडु़ मेरामका इकीमा ल्‍वा थो़सु़। उहेम मु़चु़ माम्‍चु़नीकाम मेएँ मेरामका इकीमा ल्‍वा मेथो़सु़। ओरामलामकाङा आच्‍छाङाकाम पेल नुङ लिमा पेल छेडी।