Biblia Todo Logo
Bìoball air-loidhne

- Sanasan -




१ यूहन्‍ना 4:11 - थुलुङ राई

11 द्‌वादीबुङ ङोप्‍सो़नी, माम्‍चु़नीका गुइलाई छो़म रिखाम बेसाड्‌डामिमका गुइ वो कोलेका कोलेलाई रिखाम बेबोमु बासी।

Faic an caibideil Dèan lethbhreac




१ यूहन्‍ना 4:11
14 Iomraidhean Croise  

गुका र्‍वाक्‍ता, “मेराम मु़चु़डला न-थो़म रेम्‍बेपा मु़चु़ मेरामकु साउखोरे।” मेकोतिमा येशूका गुलाई र्‍वाम्‍डी, “लक्‍सा गाना वो मेमङा बे।”


“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।


मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।


इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।


द्‌वादीबुङ ङोप्‍सो़नी, गानी बोमु बासी र्‍वाक्‍साका र्‍याक्‍तोङा बेउमिम ओराम ल्‍वा लाम्‍दी सिपा लाले सीसि ने मेएँ, माके आथामङा गानीनुङ बाट्‌पा ल्‍वा सो़। माकेम ओराम ल्‍वा ने ङादो गानी थो़न्‍निम सिजेम सो़।


गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।


गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।


द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।


द्‌वादीबुङ रिचो़, गानी बोमु बासी र्‍वाक्‍साका र्‍याक्‍तोङा बेउमिम ओराम लाले सीसि ने मेएँ लावो माके आथामङा गुइनुङ बाट्‌पा ल्‍वा सो़। गो र्‍वाङु गुइ रिखाम बेबी।


Lean sinn:

Sanasan


Sanasan