१ यूहन्‍ना 3:16 - थुलुङ राई

¹⁶ ख्रीष्‍टका उनीमा साम इकीमा लागि फ्‍याम्‍डी, मेराम गुइ मिम्‍डिलो रिखाम र्‍वाक्‍मा हाम मेराम थेसिथेडी। गुइ थो़रलु़पा वाङमिम वा-ल्‍वाकमिमकाम लागि इकीमा साम फ्‍यामु बासी।

१ यूहन्‍ना 3:16 Iomraidhean Croise

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

यूहन्‍ना 10:11

जो़पा रेपा-क्रिपा गो। जो़पा रेपा-क्रिपाका उमा भेन्‍दामिमकाम लागि उ त्‍वापलाई सासेडु़।

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

रोमी 16:4

मेर्चिपका गोलाई गेमु लागि उची त्‍वापङा र्‍वाप्‍डा सिच्‍चिम बाइडा। मेर्चिपलाई गो कोङङा मेएँ, लावो वाङसामाडाम मण्‍डलीमिमका वो आला र्‍वाम्‍डी।

रोमी 5:8

लावो माम्‍चु़नीका उनीमा रिखाम गुइडला आरेसाका रेम्‍बेम्‍डी, गुइ छु़लचो़ बाइडिलोङा येशू ख्रीष्‍ट इकीमा लागि सिम्‍डी।

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

एफिसी 5:25

गानी वोचु़नी, ख्रीष्‍टका मण्डलीलाई रिखाम बेम्डी मा मेरामलाई सेल्‍मु उनी त्‍वापङा सिम्‍डिम होम्साका गानी वो त्वाकु नाइमेलाई रिखाम बेनी।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

फिलिप्‍पी 2:30

हेङालोने ख्रीष्‍टकु खारीकाम लागि गु र्‍वाप्‍डाङा सिडा, मा गानी गोलाई ग्‍वामु मेचाप्‍निवाम ख्‍लो़सीडा खारी बोम्सोमु लागि सिमु बासि लोवो हाम होङ्‍ङा मेलु़यावाम बाइडा।

१ थेसलोनिकी 2:8

गानीलाई गुकु छो़म रिखाम बेत्तोकोमका माम्‍चु़नीकु जो़पा-सेला गानीनुङ सो़मु कोङङा मेएँ, लावो इनीमा लागि आकीमा साम फ्‍यामु वो गेर्सिद्‌वाक्‍पा बात्तोको। हेङालोने गानी छो़म आकी द्‌वादीबुङ दु़म्‍निम बाइडा।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ यूहन्‍ना 2:6

उहेमका गुमीडा बुङु र्‍वा गु येशू बाम्‍डिम-दोम्‍डिम होम्‍साका बुमु-दोमु बासी।

१ यूहन्‍ना 2:9

उहेमका गु ओलडा बुङु र्‍वा लावो उमा वा-ल्‍वाकलाई घ्राम्डु़ माला गु आथावो तुकुम्‍चिमडाङा बु।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।