१ यूहन्‍ना 3:12 - थुलुङ राई

¹² कयिन होप्‍माम मेदु़म्‍नी, गु शैतानकाम बाइडा, मा उमा ल्‍वाक सेड्‌डु़। गुका हेङा उमा ल्‍वाक सेड्‌डु़? हेङालोने कयिनका हाम बु़डु़ मेराम रु़चो़काम बाइडा मा उमा ल्‍वाकका बु़डु़म ने जो़पा न-गोनुङमाकाम बाइडा।

१ यूहन्‍ना 3:12 Iomraidhean Croise

मत्ती 13:19

लाम्‍दीडा झुक्‍पा भ्रल मेरामङा सो़, उहेमका माम्‍चु़नीकु किब्‍दीकु दुथाम सिजेम थो़सु़, लावो थेसिमेथेडु़। मेम्‍मा शैतान रोमा भ्रल फोट्‌मा होङङा जु़ल्‍मा मेरामकु नड्‌डाम सिजेम रोडु़मा ल।

मत्ती 13:38

मे येका सु़म्‍दिसेरलाई रेम्‍बु़। जो़पा भ्रलका उनी त्‍वापलाई माम्‍चु़नीकु साखामगोडा जु़ल्‍पामिमलाई रेम्‍बु़। मालिन्‍दोका माम्‍चु़नीकु स्‍वाक्‍चिमो शैतानकु चो़मिमलाई रेम्‍बु़।

मत्ती 23:35

आरेसाका ओराम सुबुडा सेट्‌निम मेख्‍लो़ट्‌पा मु़चु़मिम– हाबिलडाम आरेम सो़रनेम नुङ सासेन्‍खोपकु थेतेडा गानी सेट्‌निम बेरेक्‍याहकु तारापाचो़ जकरियासम्‍मकाम– मेर्मिम खोत्लेकाम सिसिकु मुमा बेन्‍ला सो़न्‍सिनी।

मत्ती 27:23

पिलातसका मेर्मिमलाई हिलाबु़डु़मी, “हेङा, ओरामका हाम ख्‍लाम्‍या बु़डु़म बु मा?” लावो मेर्मिम आथावो येत्तो र्‍वाम्‍डी, “मेरामलाई क्रूसडा चेट्‌नी।”

मत्ती 5:37

आच्‍छाङा माला आच्‍छाङा र्‍वाक्‍नी। मेएँ माला मेएँ कोङङा र्‍वाक्‍नी। ओरामडाम हापा ल्‍वा ने मुनाङकु डोक्‍पुलामका रो।

लूका 11:51

गो गानीलाई आच्‍छाङा र्‍वाङु, हाबिल सेट्‌मिडिम आथाम सासेन्‍खोप खोमडा नुङ सो़रनेमकु थेतेडा जकरियालाई सेट्‌मिडिमसम्‍मकाम देन्‍दे गानी आथामबिलिम मु़चु़मिमका डार्नी।

यूहन्‍ना 10:32

लावो येशूका मेर्मिमनुङ र्‍वाम्‍डी, “हापा यु़मखारीमिम आमा पापलाम गो गानीलाई रेम्‍बेट्‌निनी। मेर्मिमगोडाम उहेम खारीकाम लागि गानी गोलाई लुङका ओम्‍ङिनिमिम?”

यूहन्‍ना 8:40

मेम मेबेसाका, गानी गोलाई सेन्‍मु माल्‍तोङा बोङिनी, हेङालोने माम्‍चु़नीलाम थो़उतोम आच्‍छाङाकाम ल्‍वा गो गानीनुङ सो़उतो। अब्राहामका ने हेल्‍लो वो आरे मेबु़वा।

यूहन्‍ना 8:41

इनीमा त्‍वाकु पापका बु़डु़म खारी गानी वो बोनिम बुनी।” मेर्मिमका गुमीनुङ र्‍वाम्‍डी, “माम-पापका नाम्‍सु़रु़ बेसाका गुकु गक्‍तोकोम मेएँ। आकीमा कोलेङा पाप माम्‍चु़नीङा सो़।”

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

हिब्रू 11:4

थो़रकाङा हाबिलका माम्‍चु़नीलाई कयिनका ग्‍वाक्‍तु़मडाम जो़पा सासेसी ग्‍वाक्‍तु़। हाबिलकु ग्‍वा-ग्‍वाका माम्‍चु़नी गेर्सिद्‌वाम्‍डिलो थो़रकाङा हाबिल गुमीका द्‌वाम्‍डिम मु़चु़ र्‍वाम्‍डी। मेम्‍मा गु सिल्‍याड्‌डा लोवो थो़रकाङा गुका आथावो सीडु़मी।

हिब्रू 12:24

लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।

१ पत्रुस 4:4

मेर्मिमका बोमिमिम होप्‍माम मेजो़पा गानी मेबोनिमिम ल्‍वासाका मेर्मिम ङाङाया दु़म्‍मी। मेम्‍मा मेर्मिमका गानीलाई डक्‍साका जेमी।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

रेम्‍बेट्‌मिडिम ल्‍वा 17:6

मे मेसेम माम्‍चु़नीकु मु़चु़मिमकु सिसि नुङ येशूडा थो़र बेम्‍डिमका सेट्‌मिडिम मु़चु़मिमकु सिसिका सेड्‍डु़म गो ल्वाउतो। मेराम मेसेमलाई ल्वाउतोमा गो छो़म ङाङाया दु़म्‍ङोडो।