१ यूहन्‍ना 2:9 - थुलुङ राई

⁹ उहेमका गु ओलडा बुङु र्‍वा लावो उमा वा-ल्‍वाकलाई घ्राम्डु़ माला गु आथावो तुकुम्‍चिमडाङा बु।

१ यूहन्‍ना 2:9 Iomraidhean Croise

यूहन्‍ना 9:41

येशूका मेर्मिमनुङ र्‍वाम्‍डी, “गानी मिक्‍सीका मेल्‍वापा बानिवाम माला ने छु़लकु दुथाम मुमा बेन्‍ला मेसो़न्‍सिट्‌निवा। लावो ‘गुकु मिक्‍सीका ल्‍वामु चाम्‍कु र्‍वानी’ मा मुमा बेन्‍ला सो़न्‍सिनिम बुनी।”

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

२ पत्रुस 1:9

लावो कोङनिमनुङ ओर्मिम ल्‍वा मिबु माला ने मेराम मु़चु़का जो़होमका ल्‍वामु मेचाप्‍सु़। मेराम मिक्‍सीका मेल्‍वापा सो़। ङादोम उ छु़लमिमडाम गुलाई छेको-छेको बेम्‍मा गुका प्‍ल्‍वास्‍तु़म बु।

१ यूहन्‍ना 1:6

इकीमा हेमकेम माम्‍चु़नीनुङ बु र्‍वाकी मा तुकुम्‍चिमडाङा लाम्दिइ माला गुइ लिमा थेडी, मा आच्‍छाङाकाम ल्‍वा होम्‍साका मेबुइ-मेदोसी।

१ यूहन्‍ना 2:11

लावो उहेमका उमा वा-ल्‍वाकलाई मेद्‌वाकु़ मेराम मु़चु़ तुकुम्‍चिम गोनो दु़म मा तुकुम्‍चिम गोनो लाम्‍दी। गु बान्‍थो़ लक्‍तोङा बु़ मेराम मेचकु़, तुकुम्‍चिमका उमा मिक्‍सी ड्‌याक्‍साड्‌डु़म बु।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?