१ यूहन्‍ना 2:8 - थुलुङ राई

⁸ मेम मावो गानी बोमु बासिक्‍पा कोले नले ल्‍वा गानीलाई र्‍याक्‍तोङा बेउ। ओराम आच्‍छाङा ख्रीष्‍टडा बु मा गानीडा वो बु। हेङालोने तुकुम्‍चिम दाम्‍तोङा लेडु़ मा आच्‍छाङाकाम ओल ङादो आथामङा झ्‍वाहोम बु।

१ यूहन्‍ना 2:8 Iomraidhean Croise

मत्ती 4:16

माम्‍चु़नी मेछेसाका तुकुम्‍चिमडा होङङा बाट्‌पा मु़चु़मिमका माम्‍चु़नीकु सेल्‍सीकाम ओल ल्‍वाम्‍डिम बु। मेसिपा त्‍वारो़म मेल्‍वापा मु़चु़मिमडला मे ओल झ्‍वाक्‍ताम बु।”

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

२ तिमोथी 1:10

ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 4:11

द्‌वादीबुङ ङोप्‍सो़नी, माम्‍चु़नीका गुइलाई छो़म रिखाम बेसाड्‌डामिमका गुइ वो कोलेका कोलेलाई रिखाम बेबोमु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।