१ यूहन्‍ना 2:5 - थुलुङ राई

⁵ लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

१ यूहन्‍ना 2:5 Iomraidhean Croise

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

यूहन्‍ना 14:21

उहेमनुङ गो जेङ्‌डोम ल्‍वा बु, मा मेराम होम्‍साका बु़, मेरामका गोलाई रिखाम बोङी। गोलाई रिखाम बेपा मु़चु़लाई आमा पापका रिखाम बोमी। मेम्‍मा गो वो गुलाई रिखाम बेउ, मा उमाडा गो रेम्‍बेङ्‌सिङु।”

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

याकूब 2:22

अब्राहामका माम्‍चु़नीडा थो़र बु़डु़, मा मेराम होम्‍साका खारी बु़डु़, मा गुका खारी बु़डु़मकाङा उमा थो़र छो़म डोक्‍पु दु़स्‍ताम बाइडा र्‍वाक्‍पा गानी ल्‍वानी।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

१ यूहन्‍ना 4:17

निया दु़म्मिम नेम गुइ मेङिसाका बुइनु़ र्‍वाक्‍साका गुइगोडा रिखाम माम्‍चु़नीकु न होङङा दु़म। हेङालोने ओराम सु़म्‍दिसेरडा गुइ वो ख्रीष्‍ट होप्‍मामङा बुइ।

१ यूहन्‍ना 4:18

रिखामडा ङिम मेदु़म, लावो माम्‍चु़नीकु न होङङा दु़म्‍पा गुइगोडाम रिखामका ङिम कोलु़। देन्‍देका मु़चु़लाई ङिबेडु़ मा उहेम मु़चु़ ङि मेराम मु़चु़ माम्‍चु़नीकु न होङङा दु़म्‍पा रिखामडा मेदु़म।

१ यूहन्‍ना 5:2

माम्‍चु़नीलाई गुइ रिखाम बि मा गुमीका बेबेसाड्‌डामिम होङङा बिडी माला माम्‍चु़नीकु चो़च्‍चो़मिमलाई गुइ रिखाम बि र्‍वाक्‍पा च।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

२ यूहन्‍ना 1:6

माम्‍चु़नीका बेबेसाड्‌डामिम होम्‍साका बुमुङा ओराम रिखाम सो़। गानी ङादो आथामङा थो़न्‍निम बोमु बासिक्‍पा ल्‍वा ने गानी रिखामडा बुमु-दोमु बासी।

रेम्‍बेट्‌मिडिम ल्‍वा 12:17

मेम्‍मा डोमिफु मे मेसेमडाम उ छोक्‍चोका इप्‍ल्‍याड्‌डु़। मेम्मिमका माम्‍चु़नीका र्‍वामिमिम होङङा खारी बेपामिम मा येशूका थेसिथेन्‍बेट्‌मिडिम सीसि होङङा दोपामिमकु कोर्थो़लाम क्‍वाल्‍बा बेप्‍डा मे मेसेमकु वाङमिम उ चो़मिमकाडा लस्‍ता।

रेम्‍बेट्‌मिडिम ल्‍वा 14:12

मेम्‍मिमका माम्‍चु़नीका र्‍वामिमिम होङङा बेपा मा येशूडा थो़रलु़इमिम दु़म्‍साका बाट्‌पा माम्‍चु़नीकु सेपा मु़चु़मिमका थो़मतेर्सीडा इम्‍साका बुमु बासी।