१ यूहन्‍ना 2:16 - थुलुङ राई

¹⁶ हेङालोने छु़लचो़ मु़चु़का गेर्सिबेन्‍मु बु़मिम न, मिक्‍सीका ल्‍वासु़मिम ल्‍वामु माल्‍पा न नुङ गुनुङ हाम बु मेरामडला उ नो़ ल्‍वाक्‍थाक्‍पा न, सु़म्‍दिसेरडाम ओर्मिम खोत्‍ले माम्‍चु़नी पापलाम रोक्‍पा मेएँ लावो सु़म्‍दिसेरलाम रो।

१ यूहन्‍ना 2:16 Iomraidhean Croise

मत्ती 4:8

आथावो शैतानका येशूलाई कोले येप्‍पा पोप्‍चङडला लडु़, मा सु़म्‍दिसेरडाम खोत्‍ले किब्‍दी नुङ मेर्मिमकु खोत्ले जो़पा जो़प्‍सी रेम्‍बेड्‌डु़,

मत्ती 5:28

लावो गो गानीलाई र्‍वाङु, उहेम मु़चु़का कोङनिम मेसेमनुङ अम्‍पा नका रेप्‍डु़, मेरामका उ न-गोडा मे मेसेमनुङ ङादोङा नाम्‍सु़रु़ बु़।

लूका 4:5

शैतानका येशूलाई येप्‍पाला लडु़मा घरिकोङ खोत्‍ले सु़म्‍दिसेरडाम किब्‍दीमिम रेम्‍बेड्‌डु़।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

१ कोरिन्थी 10:6

मेर्मिमकाम होङङा मेजो़पा न मेबिइनु़ र्‍वाक्‍साका गुइलाई चङचङया बाबेन्‍मु लागि आरेप्‍माम ल्‍वाका रेम्‍बेम्मा बु।

गलाती 5:17

हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

याकूब 3:15

आरेप्‍माम नेप्‍ची ने पाह्रीलामका योक्‍पा मेएँ। लावो माम्‍चु़नीकु कोर्थो़लाम बक्‍पा शैतानलाम, सु़म्‍दिसेरलाम नुङ छु़लचो़मिमलाम रो।

याकूब 4:16

लावो गानी मिम्‍निमिम ल्‍वाडा इनी नो़ ल्‍वान्‍थानी, मा डोक्‍पु लिन्‍सिनी। आरेप्‍माम डोक्‍पु लिसिसी ने मेजो़पा सो़।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

२ पत्रुस 2:10

मेजो़पा न होङङा बोमु माल्‍बाल्‍पा मा माम्‍चु़नीकु साखामलाई हाम होङङा वो मेलु़पा मु़चु़मिमका ने छो़म देन्‍दे ल्‍वामी। मेर्मिम मु़चु़ मेङिपा नुङ डोक्‍पु लिसिक्‍पा दु़म्‍मी मा पाह्रीलाम यु़मचो़मिमलाई वो डक्‍साका जेमु मेङिमी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।