१ यूहन्‍ना 2:12 - थुलुङ राई

¹² द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने ख्रीष्‍टकु नङका माम्‍चु़नीका इनीमा छु़ल हेम्‍साट्‌निम बु।

१ यूहन्‍ना 2:12 Iomraidhean Croise

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

लूका 5:20

येशूका मेर्मिमकु थो़र ल्‍वाम्‍डिमा मे नो़पा मु़चु़लाई र्‍वाम्‍डी, “ए छारी, इमा छु़ल हेम्‍सिड्‌डा।”

थु़र्मा 10:43

उहेमका येशूडा थो़र बु़, मेरामकु छु़लमिम येशूकु नङका हेम्‍सिट्‌मी र्‍वाक्‍साका खोत्‍ले माम्‍चु़नीलाम-जेपामिमका र्‍वाम्‍डिम बु।”

थु़र्मा 13:38

“मेम्‍मिमका वा-ल्‍वाकनी, येशूका छु़ल हेम्‍मी र्‍वाक्‍साका गानीलाई सो़म्‍मा ल्‍वा चनी र्‍वाक्‍पा आमा न बु।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

कलस्‍सी 1:14

उनीमा तारापाचो़का गुइलाई फ्‍वामु थि सोक्‍साड्‌डामी, मेराम र्‍वाक्‍मा, इकीमा छु़लमिम हेप्‍साक्‍साड्‌डामिम सो़।

१ यूहन्‍ना 1:4

गानी छो़म भ्रसी द्‌वाक्‍नी र्‍वाक्‍साका गानीलाई गुकु ओराम र्‍याकुम बुकु।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

१ यूहन्‍ना 1:9

गुइ इकीमा छु़लमिम माम्‍चु़नीनुङ सो़इडी माला गुमीका इकीमा छु़ल हेप्‍साक्‍सामी मा मेजो़पा खोत्‍लेडाम छेको-छेको बेसामी। हेङालोने गुमी थो़र लु़इमिम मा जो़पा बेपा बुमी।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

१ यूहन्‍ना 2:7

द्‌वादीबुङ ङोप्‍सो़नी, गानी बोमु बासी र्‍वाक्‍साका र्‍याक्‍तोङा बेउमिम ओराम ल्‍वा लाम्‍दी सिपा लाले सीसि ने मेएँ, माके आथामङा गानीनुङ बाट्‌पा ल्‍वा सो़। माकेम ओराम ल्‍वा ने ङादो गानी थो़न्‍निम सिजेम सो़।