१ यूहन्‍ना 1:6 - थुलुङ राई

⁶ इकीमा हेमकेम माम्‍चु़नीनुङ बु र्‍वाकी मा तुकुम्‍चिमडाङा लाम्दिइ माला गुइ लिमा थेडी, मा आच्‍छाङाकाम ल्‍वा होम्‍साका मेबुइ-मेदोसी।

१ यूहन्‍ना 1:6 Iomraidhean Croise

मत्ती 7:22

मेनेम हापा मु़चु़का गोलाई र्‍वामी, ‘ङाचो़, ए ङाचो़, गुकु इनीमा नङडा माम्‍चु़नीलाम-जेत्तोको, मुनाङमिम कोल्‍तोको, मा यु़मनुङमा खारीमिम बेत्तोको।’

यूहन्‍ना 11:10

लावो सिन्‍था लाम्‍दिपा मु़चु़का ने खेल तुकु़, हेङालोने मेराम मु़चु़नुङ ओल मेदु़म।”

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

यूहन्‍ना 8:55

गुमीलाई गानी मेछेनी लोवो गो छेपु। गो गुमीलाई मेछेपु र्‍वाङ्‌डो माला गानी होप्‍मामङा गो वो लिमाचो़ दु़म्‍ङु। लावो गो गुमीलाई छेपु, मा उनी सिजेम होम्‍साका दोङु।

१ तिमोथी 4:2

लिमा थेट्‌पा मु़चु़मिमकु न घ्रु़पा सेलका घ्रु़डामा मिनी मिक्‍सीलामडा जो़पा लिसिक्‍पा रेम्‍बेसाका वायम डमी।

याकूब 2:14

आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?

याकूब 2:16

गानीगोडाम कोङ मु़चु़का मेराम मु़चु़लाई “जाल्‍पा बेसाका बानी, ख्‍वाचेप खोहोम पेनी, माम्‍चु़नीका जि ग्‍वानामिनु़” कोङङा बु़, लावो मेराम खेरेला दु़म्‍पालाई हाम वो मेग्‍वाकु़ माला गानी र्‍वानिमिम ल्‍वाका हाम जो़पा बु़ मा?

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

१ यूहन्‍ना 1:10

गुइ छु़ल बिडिम मिबु र्‍वाकी माला माम्‍चु़नीलाई लिमाचो़ र्‍वाकिमिम दु़म, मा इकीमा न-गोडा उनीमा सिजेम मेदु़म।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?