१ यूहन्‍ना 1:10 - थुलुङ राई

¹⁰ गुइ छु़ल बिडिम मिबु र्‍वाकी माला माम्‍चु़नीलाई लिमाचो़ र्‍वाकिमिम दु़म, मा इकीमा न-गोडा उनीमा सिजेम मेदु़म।

१ यूहन्‍ना 1:10 Iomraidhean Croise

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

१ यूहन्‍ना 2:14

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने गानी इनी न-गोडा सोनुङमा बुनी, मा माम्‍चु़नीकु सिजेम इनीमा नडा बु। मेम्‍मा शैतानडला गानी घ्‍ल्‍वान्‍निम बु।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

२ यूहन्‍ना 1:2

आच्‍छाङाकाम ल्‍वा गुइनुङ दु़म मा हेल्‍लो लोवो गुइनुङ दु़महोम बु मेम्‍मिमका गानीलाई गुकु रिखाम बोकु।