तीतुस 3:10 - राना थारु नयाँ नियम

¹⁰ अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।

परमेस्वर को सच्चो वचन

¹⁰ मतभेद की बजह बनान बारेन कै कम से कम दुई बार चितौनी दे, और उनके झोने ऐसो करन के अलावा कुछ ना है।

तीतुस 3:10 Iomraidhean Croise

रोमियों 16:17

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

1 कोरिन्थी 11:19

का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

गलातियों 5:12

तुमके झुटो शिक्षा देन बारे आदमी अपनएके नपुंसक बनाए लित्तो कहेसे ठिक हुइतो।

गलातियों 5:20

बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

2 थेसलोनिकी 3:14

अगर कोइ हमर जा चिट्ठीको सन्देशके नाए मानए, तओ बे आदमीनके चिने रहाबओ और बिनसे मेलमिलाप मत् करओ, ताकी बो शरमको महसुस करए।

2 थेसलोनिकी 3:6

हे मेरे बिश्वासी ददाभइया, हम तुमके बहे अधिकारसे आज्ञा देत हएं जो येशू ख्रीष्ट हमके दइ, कि अइसे कोइ फिर भइया या बहिनियासे मेलमिलाप मत् करओ, जो अल्छी हएं, और जो हम तुमके सिखाए बे आदेशको पालन नाए करत हएं।

2 तिमोथी 3:5

बे अइसे ब्यबहार करंगे जैसे बे नेहात्तओ परमेश्वरके सम्मान करत हएं, पर बे परमेश्वरकी शक्तिके उनको खराब जीबनके बदलनसे इन्कार करंगे; बे आदमीनसे बच।

2 पतरस 2:1

बहुत समय पहिले इस्राएलीनके बीचमे देखा पणे झुठे अगमबक्ता कता, झुठे गुरु फिर तुमर बीचमे देखा पणंगे। बे झुठे शिक्षामे फसँगे, जो आदमीनके ख्रीष्टमे बिश्वास करनसे रोकंगे। जे झुठा गुरु, उद्धार करन बारो ख्रीष्टके अपनो मालिकके रुपमे स्वीकार करनके फिर इन्कार करंगे जो बिनको पापको शक्तिसे मुक्त करी। अइसियए बे अचानक अपनएके नष्ट करंगे।

2 यूहन्ना 1:10

अगर कोइ तुमर ठिन आए, और अगर बो कुछ अइसो शिक्षा दइ रहोहए, जो ख्रीष्टको शिक्षासे अलग हए, बोके घरमे मत् आनके देओ, और बोके नमस्कार करके उत्सहा मतदेओ।