रोमियों 8:19 - राना थारु नयाँ नियम

¹⁹ सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

परमेस्वर को सच्चो वचन

¹⁹ दुनिया खूबै आसा बारी नजर से परमेस्वर के बालकन के दिखाई देन की रहा निहार रइ है।

रोमियों 8:19 Iomraidhean Croise

मत्ती 5:9

धन्य हएं बे, जौन मेलमिलाप करत हएं, काहेकी बे परमेश्वरके लौंणा कहेजामंगे।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

रोमियों 8:14

काहेकी परमेश्वरको आत्मासे दिखाओ भओ डगरमे चलन बारे परमेश्वरएके लौंणालौंणीया हएं।

रोमियों 8:16

पबित्र आत्मा अपनए हमर आत्मासे गवाही देतहए, कि हम परमेश्वरके सन्तान हएं।

रोमियों 8:18

मए निश्चित हओं, कि जो महिमा परमेश्वरसे हमके पिच्छु मिलैगो, बो महिमा दुख और कष्टसे बहुत बडी हए जो हम अभए सहिरहेहएं।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

रोमियों 9:26

और जौन ठिह परमेश्वर कही, तुम मेरे आदमी नाए हओ, हुवइंपर जिन्दा परमेश्वर उनसे अपने सन्तान कहाबैगो।”

1 कोरिन्थी 1:7

और जहेमारे, पबित्र आत्मा तुमके सब आत्मिक बरदान दइ हए, जौनको तुमके जरुरत हए, जबकी तुम हमर प्रभु येशू ख्रीष्टके लौट आनको आसरा कर रहेहओ।

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

फिलिप्पी 1:20

मिर मनको इच्छा और आसरा जा हए, कि मए लज्जित नाए होमओं बल्कि मोएमे ख्रीष्टके बारेमे मस्कनके सहास होबए, जैसेकी मए बितो भओ समयमे कहो रहओं, चहुँ मए जिन्दा रहाओं या मरजामओं मए अपनो पुरो जीबनसे ख्रीष्टके आदर करत रहामंगो।

कलस्सी 3:4

जब ख्रीष्ट, जो तुमके नयाँ जीबन देत हए, जब बा जा पृथ्वीमे लौटके आबैगो, तओ तुम फिर बाके सँग दिखाइ देबैगे, और तुम बाके महिमामे सहभागी होबैगे।

हिब्रू 12:27

“एक और चोटी” कहान बारो बचन जा दिखात हए, कि सृष्टि भए सबए हलाओ जाबैगो और मिटाओ जाबैगो, ताकी हलाए नाए पान बारे चीज स्थिर रहामएं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।