रोमियों 8:14 - राना थारु नयाँ नियम

¹⁴ काहेकी परमेश्वरको आत्मासे दिखाओ भओ डगरमे चलन बारे परमेश्वरएके लौंणालौंणीया हएं।

परमेस्वर को सच्चो वचन

¹⁴ तभईये जित्ते आदमी परमेस्वर की आत्मा के चलाय चलथैं, बेईं परमेस्वर के बालका हैं।

रोमियों 8:14 Iomraidhean Croise

मत्ती 5:9

धन्य हएं बे, जौन मेलमिलाप करत हएं, काहेकी बे परमेश्वरके लौंणा कहेजामंगे।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

रोमियों 8:19

सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

रोमियों 8:5

जो आदमी अपने पापमय इच्छनके अपनएके काबु करन देतहए, बे बेहीं चीजके बारे सोँच सकत हएं, जो उनको शरीर चाँहत हए, पर जो पबित्र आत्माके अनुसार चल्त हएं बे आत्माके खुसी बनान बारो बात सोँचत हएं।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

रोमियों 9:26

और जौन ठिह परमेश्वर कही, तुम मेरे आदमी नाए हओ, हुवइंपर जिन्दा परमेश्वर उनसे अपने सन्तान कहाबैगो।”

रोमियों 9:8

जक अर्थ, जो बंश प्रकृतिके अनुसार जनम लेतहए, बे परमेश्वरको सन्तान नाए हएं, पर सिर्फ प्रतिज्ञाके सन्तान इकल्ले अब्राहामके सन्तान माने जात हएं।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

गलातियों 4:5

ताकी बा हमके छुटकारा कर पाबए, जो मोशाको नियम कानुनके अधीनमे रहात रहएं। और बा हमके अपनुवए बच्चाके रुपमे बनाएलै।

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

गलातियों 5:16

पर मए तुमसे कहात हओं, कि तुमके पबित्र आत्माको अगुवाईके अनुसार जीइनके जरुरी हए, तओ तुम बे खराब कामनके नाए करैगे, जो तुमर शारीरिक इच्छा करन चाँहत हए।

गलातियों 5:18

और अगर तुम पबित्र आत्माको अगुवाईके अनुसार चलत हओ, तओ मोशाको नियम कानुनके अधीनमे मत् रहाओ।

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

1 यूहन्ना 3:24

और जो परमेश्वरको आज्ञाके पालन करत हए, बो परमेश्वरके सँग और परमेश्वर बोकेसँग एकजुटमे रहात हए। और पबित्र आत्मासे जो बा हमके दइ हए, हम जानत हएं, कि पबित्र आत्मा हमर सँग और हम पबित्र आत्माके सँग एकजुटमे रहात हएं।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।