रोमियों 7:9 - राना थारु नयाँ नियम

⁹ मए त पहिले नियम कानुनके सम्झे बिना जीबन जीइत रहओं, पर जब मए नियम कानुनके जानो, तओ पापको शक्ति बढन लागो, और मए परमेश्वरसे दुर हुइगओ।

परमेस्वर को सच्चो वचन

⁹ मैं तौ पहले बगैर नियम के जिंदो रहौं लेकिन जब आग्या मिली, तौ पाप जी गौ, और मैं मर गौ।

रोमियों 7:9 Iomraidhean Croise

मत्ती 19:20

बो जवान आदमी येशूसे कही, “जे सब त मए पालन करेपणे हओं। अब मोएमे का कमी हए?”

लूका 15:29

बो अपन दौवाके जबाफ दइ, ‘देख; मए इतनो साल तिर सेवा कररहो हओं, और कभी फिर तिर आज्ञा उल्‍लङ्घन नाए करो, तहुँफिर तए मोके एक जानबरको बच्चा फिर नाए दओ, कि मए अपन सँगीके सँग आनन्द मनाए पामओं।

लूका 18:21

बो सासक कही, “जे सब त मए मेरी युवावस्थासे पालन करत आओ हओं।”

रोमियों 10:5

जब मोशाको नियम कानुन पालन करके आदमी, कैसे परमेश्वरद्वारा धर्मी ठहिरनके बारेमे लिखी रहए, बो कही रहए: “जो आदमी नियम कानुनके पालन करत हए, बो उनसे जीवित रहाबैगो।”

रोमियों 7:10

बो आज्ञा, जो मेरे जिनको कारण बनन बारो रहए, बहे आज्ञा मोके परमेश्वरसे अलग करबाइ।

रोमियों 7:11

काहेकी पाप जा आज्ञाको इस्तमाल करके मोके धोखा दइ, और बहेके द्वारा मोके परमेश्वरसे अलग करबाइ।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

रोमियों 7:8

पर पाप जा आज्ञाको इस्तमाल करके सब मेलके लालचको पैदा करी, काहेकी नियम कानुन बिना पापकी कोइ शक्ति नैयाँ।

रोमियों 8:7

काहेकी पापमय स्वभाबके द्वारा अधिनमे होनो परमेश्वरसे दुस्मनाइ कर्नो हए, काहेकी बो नियम कानुन पालन नाए करे होतहए और पालन फिर नाए करत हए।

गलातियों 2:19

मए सम्झत हओं, कि मोशाको नियम कानुनको पालन करनसे मोके धर्मी घोषित नाए करोजाए सकत हए। जहेमारे मए अइसो मानत हओं, कि मए पबित्र-शास्त्रके ताहीं मरीगओ, ताकी मए परमेश्वरके ताहीं जिन्दा रहेपामओं।

गलातियों 3:10

जहेमारे जो आदमी जा सोँचत हएं, कि बे मोशाको नियम कानुनको किताबको पालन करके परमेश्वरके सँग सही ठहिराए जामंगे, नाए! बे एक सरापके अधीनमे हएं। काहेकी मोशाको नियम कानुनमे जा लिखो हए, “जो कोइ मोशाको नियम कानुनके सब पालन करनके छोडत हए, बो सरापित हए।”