रोमियों 7:14 - राना थारु नयाँ नियम

¹⁴ काहेकी हम जान्त हएं, कि नियम कानुन त आत्मिक हए, पर मए एक आदमी हओं और मए पापको नोकर हओं।

परमेस्वर को सच्चो वचन

¹⁴ हम जानथैं कि नियम तौ आध्यात्मिक है, लेकिन मैं सारीरिक हौं और पाप के हात मैं बिको भौ हौं।

रोमियों 7:14 Iomraidhean Croise

मत्ती 16:23

तओ घुमके बा पत्रुससे कही, “ए शैतान, मिर ठिनसे हटजा। तए मिर ताहीं बाधा होत हए। काहेकी तए परमेश्वरके बातमे नाए पर तए आदमीनके बातमे ध्यान देतहए।”

मत्ती 18:25

जबकी बोके ठिन ऋण चुकानके ताहीं कुछ नाए रहए, तओ बोसे राजा कही, जाएके बैयर और लौंणालौंणीया और जो कुछ तेरे ठिन हए सब बेँचके ऋण चुकानके हुकम दइ।

मत्ती 5:22

तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

मत्ती 5:28

पर मए तुमसे कहात हओं, कि जौन कोइ बैयरके गलत नजरसे देखत हए, तओ बो अग्गुसे अपन ह्रदयमे बोकेसँग व्यभिचार करडारतहए।

लूका 5:8

तओ जा देखके येशूके पाउँ पणके सिमोन पत्रुस कही, “हे प्रभु, मिर ठिनसे चलेजाओ, काहेकी मए पापी आदमी हओं।”

लूका 7:6

येशू बिनके सँग गओ। और कप्तानके घरके जौणहीं होत पेती, कप्तान अपने सँगीनके येशूके ठिन अइसे कहिके खबर पठाइ, “हे प्रभु, दुख मतउठाओ, काहेकी तुमके मिर घर भितर प्रबेश करबान लायकको मए नाए हओं,

रोमियों 3:9

तओ हम का कहेसकत हएं? का, हम यहूदी आदमी, गैर-यहूदी आदमीनसे जद्धा अच्छे हएं? नाए! बिरकुल नाए! काहेकी हम यहूदी और ग्रीक दुनौके उपर जा दोष लग्गओ हए, कि बे सबके-सब पापको शक्तिके काबुमे हएं।

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

रोमियों 7:18

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।

गलातियों 4:3

उइसीयए हम फिर बहे लौंणा हानी रहएं। हम बेहीं रिति-रिबाज और नियमके अधीनमे रहएं, जो जा संसारमे हएं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।