रोमियों 6:23 - राना थारु नयाँ नियम

²³ काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

परमेस्वर को सच्चो वचन

²³ पाप कि मजदूरी तौ मौत है, लेकिन परमेस्वर को वरदान हमरे प्रभु मसीह ईसु मैं अनंत जिंदगी है।

रोमियों 6:23 Iomraidhean Croise

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

यूहन्ना 10:28

और मए बिनके कभी फिर नाश नाए होन बारो जीबन देहओं, और बे कभु नष्ट नाए हुइहएं, और कोइ बिनके मोसे नाए छिन पएहए।

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

रोमियों 1:32

अइसो काम करन बारेनके मरनो ठिक होतहए कहान बारी बात परमेश्वरको धार्मिकता-विधान, जानतए जानत फिर बे उइसी गलत काम करत हएं। और गलत काम करन बारेनके सँग पुरा सहमत फिर हुइजात हएं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 5:12

जहेमारे एक आदमीके द्वारा पाप संसारमे आओ अर्थात् आदमके द्वारा। बो पहिलो आदमी रहए जोके परमेश्वर सृष्टि करी, और आदमको पापके कारण बोको मृत्यु भओ और अइसियए सब आदमीमे मृत्यु आओ काहेकी आदममे, सब आदमी पाप करीं।

रोमियों 5:17

एक आदमीको अपराधके कारण सब आदमीमे मृत्यु आओ, तओ जो आदमी अनुग्रह और धार्मिकताको बरदान बहुत जद्धा पातहएं, बे एक आदमीके अर्थात् येशू ख्रीष्टके द्वारा नेहात्तओ कभी फिर नाश नाए होन बारो जीबन पामंगे और येशू ख्रीष्टके सँग राज्य करंगे काहेकी बे बामे बिश्वास करत हएं।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

रोमियों 6:16

तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

रोमियों 6:21

तुम खराब काम करत रहओ, और अब तुमके बे काम करोके कारणसे सरम लगत हए। तओ तुमके का प्राप्त भओ? बे काम सिरफ मृत्यु लात हएं।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

रोमियों 8:38

काहेकी मए निश्चित हओं, कि कोइ फिर बात हमएं ख्रीष्टको प्रेमसे हमके अलग नाए कर्पएहए। नए मृत्यु, नए जीबन, नए स्वर्गदूत, नए भुत, नए हमर आजको डर, नए कलको चिन्ता, नए नरकको शक्ति; कोइ फिर हमके ख्रीष्टको प्रेमसे अलग नाए कर्पएहए।

रोमियों 8:39

नए बादरमे भए शक्ति, नए पृथ्वीके तरे भए शक्ति, नए सृष्टिको कोइ फिर शक्ति हमके परमेश्वरको प्रेमसे अलग कर्पएहए, जो हमर प्रभु येशू ख्रीष्टमे प्रकट करोगओ हए।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

गलातियों 3:10

जहेमारे जो आदमी जा सोँचत हएं, कि बे मोशाको नियम कानुनको किताबको पालन करके परमेश्वरके सँग सही ठहिराए जामंगे, नाए! बे एक सरापके अधीनमे हएं। काहेकी मोशाको नियम कानुनमे जा लिखो हए, “जो कोइ मोशाको नियम कानुनके सब पालन करनके छोडत हए, बो सरापित हए।”

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

याकूब 1:15

फिर जाके पिच्छु, जब बो पाप करनके ताहीं सोँचत हए, तओ पापको जनम हुइजात हए, और अन्तमे, बो हमेसाके ताहीं मर जात हए।

1 यूहन्ना 2:25

और परमेश्वर हमके प्रतिज्ञा करीहए, कि बा हमएं कभी फिर नाश नाए होन बारो जीबन देबैगो।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”