रोमियों 6:22 - राना थारु नयाँ नियम

²² पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

परमेस्वर को सच्चो वचन

²² लेकिन अब तुम पाप से छुटकै और परमेस्वर के दास हौ। तुमरो फायदा पूरे तरीका से बाकै सौंपो भौ जीवन है, और जाको नतीजा अनंत जिंदगी है।

रोमियों 6:22 Iomraidhean Croise

मत्ती 13:40

जैसी उवाजओ नोचके आगीमे भसम करत हएं, युगके अन्तमे फिर उइसी हुइहए,

मत्ती 13:43

तओ बो बेरा धर्मी अपने दौवाके राज्यमे दिन कता चमकंगे। मए हबए जो कहो हओं बोके बारेमे तुम ध्यानसे सोँचओ।”

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

यूहन्ना 8:32

तओ तुम सत्य का हए करके सो जानैगे, और सत्य तुमके छुटकारा देबैगो।”

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

रोमियों 6:18

और परमेश्वर तुमके पापको शक्तिसे छुणाएके कारणसे तुम परमेश्वरके दास बनिगए, ताकी तुम बहे करओ जो सही हए।

रोमियों 6:21

तुम खराब काम करत रहओ, और अब तुमके बे काम करोके कारणसे सरम लगत हए। तओ तुमके का प्राप्त भओ? बे काम सिरफ मृत्यु लात हएं।

रोमियों 7:25

मए परमेश्वरके धन्यबाद देत हओं, काहेकी बा एक हए जौन मोके येशू ख्रीष्ट, हमर प्रभुके कारणसे बचात हए। मिर हृदयमे मए परमेश्वरको नियम कानुन पालन करन चाँहत हओं, पर मिर पापी स्वभाबके कारण मए लगातर पाप करबैठत हओं।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

1 कोरिन्थी 7:22

काहेकी जो कोइ कमैया हए, बो प्रभुमे बुलाओ गओ हए। बो एक स्वतन्त्र आदमी कता हए, काहेकी प्रभु येशू बोके बोको पापके शक्तिसे मुक्त करीहए और उइसीयए जो स्वतन्त्रके ताहीं बुलाओ गओ हए, बो ख्रीष्टके गुलाम बनत हए।

2 कोरिन्थी 3:17

अब प्रभु आत्मा हए, और जाहाँ प्रभुको आत्मा हए, हुवाँ नियम कानुनसे स्वतन्त्र होत हए।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

हिब्रू 12:14

सबए आदमीनके सँग शान्तिमे बैठन और पबित्र जीबन जीइन कोसिस करओ, पबित्रता बिना कोइ आदमी परमप्रभुके नाए देखपएहए।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

1 पतरस 1:9

काहेकी परमेश्वर तुमर आत्माके पुरा रुपमे पापको सजायसे बचाइ हए। जा येशू ख्रीष्टमे तुमर बिश्वासको इनाम हए।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

प्रकाश 7:13

जामे धर्मगुरुन मैसे एक जनै मोसे पुछीं, “जे सेतो लत्ता पैँधेभए कौन हएं? और कहाँसे आए हएं?”