रोमियों 6:21 - राना थारु नयाँ नियम

²¹ तुम खराब काम करत रहओ, और अब तुमके बे काम करोके कारणसे सरम लगत हए। तओ तुमके का प्राप्त भओ? बे काम सिरफ मृत्यु लात हएं।

परमेस्वर को सच्चो वचन

²¹ अब जो-जो बातन से तुम सर्माथौ, बौ समय उनसे का फल पात रहौ? काहैकि उनके अंत मैं तौ मरनोई लिखो है!

रोमियों 6:21 Iomraidhean Croise

रोमियों 1:32

अइसो काम करन बारेनके मरनो ठिक होतहए कहान बारी बात परमेश्वरको धार्मिकता-विधान, जानतए जानत फिर बे उइसी गलत काम करत हएं। और गलत काम करन बारेनके सँग पुरा सहमत फिर हुइजात हएं।

रोमियों 5:12

जहेमारे एक आदमीके द्वारा पाप संसारमे आओ अर्थात् आदमके द्वारा। बो पहिलो आदमी रहए जोके परमेश्वर सृष्टि करी, और आदमको पापके कारण बोको मृत्यु भओ और अइसियए सब आदमीमे मृत्यु आओ काहेकी आदममे, सब आदमी पाप करीं।

रोमियों 6:16

तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

रोमियों 7:5

काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 7:11

देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

फिलिप्पी 3:19

बिनको अन्त बिनाश हए, और बे शरीरको इच्छाके पुरा करनके ताहीं इकल्लो जीइत हएं। बे सरम लागन बारो काम करनके बारेमे घमण्ड करत हएं और बे हमेसा पृथ्वीके चीजके बारेमे सोँचत रहात हएं।

हिब्रू 10:29

अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

हिब्रू 6:8

औरे आदमी बो जमीन जैसे हएं, जौन काँटो और सेहुँर जमात हएं और बो जमीन बेकार होत हए। बो जमिनमे त परमेश्वरको सराप पणन डर होत हए और जा आगीसे नष्ट हुइजए हए।

याकूब 1:15

फिर जाके पिच्छु, जब बो पाप करनके ताहीं सोँचत हए, तओ पापको जनम हुइजात हए, और अन्तमे, बो हमेसाके ताहीं मर जात हए।

याकूब 5:20

तओ तुमके जा पता होनके चाहो, कि जौन पापी आदमीके, पाप छोडके परमेश्वर घेन घुमनके सहेयोग कहेसे बो एक प्राणके अनन्त मृत्युसे बचात हए और परमेश्वर बोको बहुत पापनके क्षमा करदेबैगो।

1 पतरस 4:17

काहेकी परमेश्वरको अपनुवए परिवारसे न्याय सुरु होनको समय आएचीको हए। काहेकी बा पहिले हम बिश्वास करन बारेनको न्याय करैगो और परमेश्वरसे आओ भओ अच्छो समाचारके नाए मानन बारेनके झन् कैसो होबैगो, बोके बारेमे सोँचओ।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।

प्रकाश 16:6

काहेकी बे तुमर आदमीनके और अगमबक्तनके मारी रहएं और बिनको खुन बहाइ रहएं, जहेमारे अब तुम बिनके खुन पिनके दए, जा बिनके ताहीं इनामके रुपमे ठिक हए।”

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।