रोमियों 6:2 - राना थारु नयाँ नियम

² नाए! बिरकुल नाए! हम पापके ताहीं मरिगए हएं, जहेमारे हमए लगातार पापमय काम करनके नाए चाहो।

परमेस्वर को सच्चो वचन

² कतईये नाय! हम जब पाप के ताहीं मर गै तौ फिर अग्गु कै बामै जिंदगी कैसे करकै बितामैं?

रोमियों 6:2 Iomraidhean Croise

लूका 20:16

बो आएके बे अधिया बारेनके मारैगो और अंगुरको बारी औरेनके दइदेहए।” आदमी जा सुनके कहीं, “परमेश्वर अइसे कभु नाए होबए।”

रोमियों 5:11

इतकए इकल्लो नाए, पर अब त प्रभु येशू ख्रीष्टद्वारा परमेश्वरसे हमर मेलमिलाप हुइगओ हए; जहेमारे हम परमेश्वरमे आनन्दित हएं।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

रोमियों 7:6

पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

गलातियों 2:19

मए सम्झत हओं, कि मोशाको नियम कानुनको पालन करनसे मोके धर्मी घोषित नाए करोजाए सकत हए। जहेमारे मए अइसो मानत हओं, कि मए पबित्र-शास्त्रके ताहीं मरीगओ, ताकी मए परमेश्वरके ताहीं जिन्दा रहेपामओं।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

कलस्सी 2:20

काहेकी तुमर पापी स्वाभाव ख्रीष्ट सँग मरीगओ, तुमके और जे संसारके नियम पालन नाए करन पणैगो। जहेमारे काहे तुम अभौफिर जे नियम पालन करत हओ, जैसेकी संसार अभौफिर तुमके नियन्त्रणमे करेहए?

कलस्सी 3:3

काहेकी तुम अपने पापी स्वाभावके ताहीं मरिगए हओ, और तुमर जीबन ख्रीष्टके सँग परमेश्वरमे लुको हए।

1 पतरस 1:14

परमेश्वरको आज्ञापालन करओ, जैसी अच्छे बच्चा अपने दौवाको आज्ञापालन करत हएं। तुम परमेश्वरको सत्यता नाए जानो बेरा करोभओ गलत काम अब मत् करओ।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 यूहन्ना 3:9

जौन परमेश्वरको सन्तान हए, बो पाप नाए करत हए। काहेकी परमेश्वरको जीबन उनमे हए, और बो पाप नाए करपात हए। काहेकी बो परमेश्वरको सन्तान हए।