रोमियों 6:14 - राना थारु नयाँ नियम

¹⁴ तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

परमेस्वर को सच्चो वचन

¹⁴ पाप तुमरो मालिक ना होनो चाहिए; काहैकि तुम नियम के तहत नाय; बल्किन परमेस्वर के अनुग्रह और किरपा के अधीन रहथौ।

रोमियों 6:14 Iomraidhean Croise

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

यूहन्ना 8:36

उइसीयए परमेश्वरको लौंणा तुमके छुटकारा दइदेहए कहेसे तुम नेहात्तओ छुटकारा पाबैगे।

रोमियों 11:6

परमेश्वर उनको भले कामसे नाए बल्कि उनके अनुग्रहसे चुनीं, अगर कामके द्वारा हए तओ अनुग्रह नाए रहितो।

रोमियों 4:16

जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

रोमियों 5:17

एक आदमीको अपराधके कारण सब आदमीमे मृत्यु आओ, तओ जो आदमी अनुग्रह और धार्मिकताको बरदान बहुत जद्धा पातहएं, बे एक आदमीके अर्थात् येशू ख्रीष्टके द्वारा नेहात्तओ कभी फिर नाश नाए होन बारो जीबन पामंगे और येशू ख्रीष्टके सँग राज्य करंगे काहेकी बे बामे बिश्वास करत हएं।

रोमियों 5:18

जहेमारे जैसी एक अपराध सब आदमीनके ताहीं दण्डको कारण भओ, उइसीयए एक धार्मिकताको कामसे सब आदमी परमेश्वरके अग्गु धर्मी घोसित हुइके जीबन पान बारे भए।

रोमियों 6:12

जहेमारे पापमय इच्छन्के अपने जीबनमे राज्य करन मतदेओ, ताकी अपनी पापमय इच्छन्के अनुसार काम नाए करसकओ।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

रोमियों 8:12

जहेमारे हे ददाभइयओ, आज्ञापालन करनके हमर कर्तब्य हए, पर हमर पापमय स्वभाब नाए चाँहत हए, कि हम अइसे करएं।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

गलातियों 3:23

पर ख्रीष्टके आनसे पहिले, हमके यहूदीनको कैदमे धरो गओ रहए, और नियम कानुन हमके रखबाली करत रहए। और हमके कैदी कता धरे रहए, जबतककी परमेश्वर जा नाए प्रकट करए कि ख्रीष्ट कौन रहए, और हम बाके उपर बिश्वास करएं।

गलातियों 4:21

और तुम, जो मोशाको नियम कानुनको अधिन होन चाँहत हओ! मेरी बात सुनओ! मए तुमके बतामंगो, कि मोशाको नियम कानुनको किताबमे का लिखो हए।

गलातियों 5:18

और अगर तुम पबित्र आत्माको अगुवाईके अनुसार चलत हओ, तओ मोशाको नियम कानुनके अधीनमे मत् रहाओ।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 8:10

फिरसे परमप्रभु कहात हए, कि आन बारो दिनमे मए इस्राएल देशके आदमीनके सँग जा करार बाँधंगो, मए बिनके मिर नियम कानुनके बारेमे सोँचन बारे बनामंगो, और बे बोके अपने मनमे धरंगे, और मए बिनको परमेश्वर होमंगो, और बे मेरे आदमी हुइ जामंगे।