रोमियों 6:13 - राना थारु नयाँ नियम

¹³ और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

परमेस्वर को सच्चो वचन

¹³ और ना अपने सरीर के कोई भी हिस्सा कै अधर्म को हथियार होन के ताहीं पाप कै सौपौं, पर खुदकै मरे भै मैं से जिंदो करो गौ जानकै परमेस्वर कै सौंपौ, और अपने सरीर के एक-एक हिस्सा कै धर्मी को हथियार होन के ताहीं परमेस्वर कै सौंपौ।

रोमियों 6:13 Iomraidhean Croise

लूका 15:24

काहेकी जा मिर लौंणा मरो कता रहए, पर फिर जिन्दा भओ हए, हरानो रहए अब मिलिगओ हए।’ तओ बे आनन्द मनानलागे।”

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

रोमियों 6:11

अइसियए तुम फिर अपनएके पापके शक्तिके ताहीं मरे भए, पर ख्रीष्ट येशूमे परमेश्वरको सेवा करनके ताहीं जीइत हओ, करके सम्झओ।

रोमियों 6:16

तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

रोमियों 6:19

मए एक साधारण उदाहरणके इस्तमाल करके बतात हओं। जैसे तुम, अपने शरीरके अंगके अशुद्धता और अधर्म कामके ताहीं सौँपे गए रहओ, उइसीयए अब अपने अंगके पबित्रताके ताहीं धर्मी जीबन जिनन्के ताहीं सौँप देओ।

रोमियों 7:23

पर मिर शरीरको अंगमे भओ दुस्रो नियम मिर हृदयमे भओ नियम कानुन सँग युद्ध करत हए, और मिर शरीरको अंगमे भओ पापको नियम मोके पापको अधिनमे करत हए।

रोमियों 7:5

काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

1 कोरिन्थी 6:15

तुम जरुर जानत हओ, कि तुमर शरीर ख्रीष्टको अंग हए। तओ का आदमी ख्रीष्टको एक अंग लैके, जाके वेश्यके सँग जोडन चाहो? नाए! बिरकुल नाए!

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

2 कोरिन्थी 10:4

काहेकी हमर युद्धके हतियार शारीरिक हतियार नाए हएं, बल्कि किल्ला नाश करन बारो परमेश्वरको शक्ति बिन्मे हए।

2 कोरिन्थी 5:14

ख्रीष्टको प्रेम हमके मजबुर बनातहए, काहेकी हमके जा निश्चय हए, कि सबए आदमीनके ताहीं एक जनै मरोके कारणसे सबए आदमी मरे।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

2 कोरिन्थी 8:5

और हम सोँचे नाए रहएं, कि बे अइसे दइपए हएं। पर बे पहिले अपनएके प्रभुके ताहीं और पच्छु हमर ताहीं सौप दइं, जैसे परमेश्वर बिनके द्वारा करो चाँहत रहए।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

इफिसियों 5:14

जहेमारे अइसो एक कहाइ हए, “हे सुनन बारे जगओ और मरेभएन् मैसे जीइउठओ; तओ ख्रीष्ट तुमके ज्योती देबैगो।”

फिलिप्पी 1:20

मिर मनको इच्छा और आसरा जा हए, कि मए लज्जित नाए होमओं बल्कि मोएमे ख्रीष्टके बारेमे मस्कनके सहास होबए, जैसेकी मए बितो भओ समयमे कहो रहओं, चहुँ मए जिन्दा रहाओं या मरजामओं मए अपनो पुरो जीबनसे ख्रीष्टके आदर करत रहामंगो।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

2 थेसलोनिकी 2:12

और परमेश्वर बे सब आदमीनको न्याय करैगो, जो येशू ख्रीष्टको सच्चो सन्देशमे बिश्वास नाए करत हएं और दुष्टके कामके प्रेम करत हएं।

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

याकूब 4:1

तुमर बीचमे लडाइ और झगडा कहाँसे आत हएं? का बेहीं खराब इच्छासे आत हएं, जो तुमर भितर लणत हएं?

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

1 यूहन्ना 1:9

अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए।