रोमियों 4:17 - राना थारु नयाँ नियम

¹⁷ पबित्र-शास्त्र कहात हए कि, “मए तोके बहुतसे जातिनको पुर्खा ठहिराओ हओं।” परमेश्वरकी दृष्टिमे अब्राहाम हमर दौवा हए। अब्राहाम बहे परमेश्वरमे बिश्वास करी, जो मरे भएनके जिन्दा करत हए और बे चिजनके फिर अस्तित्वमे लात हए जौनको अस्तित्व नाए हए।

परमेस्वर को सच्चो वचन

¹⁷ जैसो कि सास्त्र मैं लिखो है, “मैं तोकै भौत से देसन को दऊवा बनाओ हौं।” परमेस्वर की नजर मैं अब्राहम हमारो दऊवा है। बे बौ परमेस्वर मैं बिस्वास करीं, जो मरे भैन कै जिंदो करथै और जोकी आग्या अस्तित्व मैं लाथै, जो की अस्तित्व मैं रहिये नाय।

रोमियों 4:17 Iomraidhean Croise

मत्ती 3:9

अब्राहाम हमर दौवा हए करके आपसमे मत् कहाओ। काहेकी मए तुमसे कहात हओं, परमेश्वर जा पत्थरसे अब्राहामके ताहीं सन्तान उत्पन्न कर सकत हए।

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

यूहन्ना 5:25

नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

यूहन्ना 6:63

जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।

प्रेरित 15:18

जा बात परमप्रभु कहात हए, जो सृष्टिको सुरुसे जे बात बताइ रहए।’

रोमियों 3:29

का परमेश्वर सिर्फ यहूदीनको परमेश्वर हए? का गैर-यहूदी आदमीनको परमेश्वर नैयाँ? हाँ, बा गैर-यहूदीनको फिर परमेश्वर हए।

रोमियों 4:18

परमेश्वर अब्राहामसे कही, कि बोके बहुत बंश होंगे, पर अब्राहाम देखी, कि सन्तान उत्पन्न करनके ताहीं बो बहुत बुढो रहए, काहेकी बो लगभग सओ सालको हुइगओ रहए। सारा फिर अब सन्तान उत्पन्न नाए करपबैया रहए। पर जबकी सब कुछ जा दिखात रहए, कि बहुत जातिनको दौवा नाए बन पएहए, तहुँफिर बो अपने बिश्वासमे कमजोर नाए भओ। बो बिश्वास करतए रहो और अपनो आसरा कभीनाए खोइ।

रोमियों 4:2

काहेकी अगर अब्राहाम अच्छो कामसे धर्मी ठहिरतो कहेसे बोके घमण्ड करनको कुछ कारण हुइतो, पर बो अपनो अच्छे कामके बारेमे परमेश्वरके अग्गु घमण्ड नाए कर सकत हए।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

रोमियों 9:26

और जौन ठिह परमेश्वर कही, तुम मेरे आदमी नाए हओ, हुवइंपर जिन्दा परमेश्वर उनसे अपने सन्तान कहाबैगो।”

1 कोरिन्थी 1:28

और परमेश्वर अइसे आदमीनके चुनी जौननके संसारके द्वारा तुच्छ करेगए रहएं, अइसे आदमी जौनन्के कुछु फिर नाए सम्झो जात रहए और उनको उपयोग नाश करनके ताहीं करोजात रहए जोके संसार महत्त्वपूर्ण सम्झत रहए।

1 कोरिन्थी 15:45

पबित्र-शास्त्रमे फिर जा लिखो हए कि, “पहिलो आदमी, अर्थात् आदम, जीवित प्राणी बनो” और आखरी आदमी जोकी ख्रीष्ट हए, बा बहे हए जो अनन्त जीबन देतहए।

1 तिमोथी 6:13

सबके जीबन देन बारो परमेश्वरके और सँगए-सँग हाकिम पन्तियस पिलातसके अग्गु न्यायके ताहीं लाओभओ समयमे मजबुतसे सच्चो बात कहान बारो येशू ख्रीष्टके साक्षी धरके मए तोके जा आज्ञा देत हओं।

हिब्रू 11:12

बुढो हुइके मरनको अवस्थामे अब्राहामसे बादरको तारा कता बहुत और समुन्दरके रेता कता अनगिन्ती सन्तान भए।

हिब्रू 11:3

बिश्वासएसे हम जान्त हएं, कि सब सृष्टिको रचना परमेश्वरको बचनसे भओ हए। जहेमारे हम देखसकन बारो चीज बनानके ताहीं परमेश्वर नाए दिखान बारी चीज इस्तमाल करी।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

2 पतरस 3:8

पर प्रिय हो, मए अभए कहानके जाए रहो बातके बेवास्ता मत् करओ: प्रभु एक दिनके ताहीं छोटो समयके रुपमे, और एक हजार बर्ष लम्बो समयके रुपमे नाए देखत हए। बा जे दुनौ एकए कता देखत हए।