रोमियों 4:15 - राना थारु नयाँ नियम

¹⁵ नियम कानुन पुरा रुपमे नाए मानन बारेनके उपर परमेश्वरको क्रोध आतहए और जहाँ नियम कानुन नैयाँ हुवाँ नियम कानुनको कोइ उलंघन फिर नाए होत हए।

परमेस्वर को सच्चो वचन

¹⁵ नियम परमेस्वर के गुस्सा कै कम करथै, पर जहाँ नियम नाय है, नियम की कोई आग्या ना मानथै।

रोमियों 4:15 Iomraidhean Croise

यूहन्ना 15:22

अगर मए नाए अइतो और उनसे बात नाए करतो, तओ बे पापको दोषी नाए हुइते पर अब बिनके उनको पापके ताहीं कोइ बहाना नाए हए।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

रोमियों 5:13

मोशाको नियम कानुन दओजानसे पहिले फिर आदमी पाप करीं, पर जाके पापके रुपमे नाए गिनोगओ काहेकी अबतक तोडेजानके ताहीं कोइ नियम कानुन नाए रहए।

1 कोरिन्थी 15:56

मानब जातिको पापके कारण मरन होबैगो। और मानब जातिको पापको शक्ति मोशाको नियम कानुन होबैगो।

गलातियों 3:10

जहेमारे जो आदमी जा सोँचत हएं, कि बे मोशाको नियम कानुनको किताबको पालन करके परमेश्वरके सँग सही ठहिराए जामंगे, नाए! बे एक सरापके अधीनमे हएं। काहेकी मोशाको नियम कानुनमे जा लिखो हए, “जो कोइ मोशाको नियम कानुनके सब पालन करनके छोडत हए, बो सरापित हए।”

गलातियों 3:19

परमेश्वर कौन उदेश्यसे इस्राएल आदमीनके मोशाको नियम कानुन दइ? बा त अपराधन्के मारे पिच्छु दइ हए, मोशाको नियम कानुनके तबतक रहिरहान रहए। जबतककी अब्राहामको बो सन्तान नाए आएजाए, जौनको बारेमे परमेश्वर प्रतिज्ञा करी रहए। परमेश्वर अपनो नियम कानुन स्वर्गदूतसे मोशाके दइ, जो परमेश्वर और आदमीनके बीचमे मध्यस्थ रहए।

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

कलस्सी 3:6

काहेकी आदमी जे खराब काम करत हएं, कहेसे नेहात्तओ परमेश्वर बिनके कडा दण्ड देबैगो।

1 यूहन्ना 3:4

अगर कोइ पाप काम करन नाए छोडत हए कहेसे बो परमेश्वरको नियम कानुनके पालन करनसे अस्वीकार करत हए, और पाप करनो कहोक नियम कानुनके भंग करनो हए।

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।