रोमियों 3:27 - राना थारु नयाँ नियम

²⁷ तओ, का अइसो कुछ हए, जोके बारेमे हम घमण्ड कर सकएं? घमण्ड करनको त बातए नैयाँ। कौनछो नियमके कारणसे हम घमण्ड करएं? का जा जहे कारण हए, कि हम नियम कानुनके पालन करत हएं? नाए! बिरकुल नाए! बल्कि, येशू ख्रीष्टमे हमर बिश्वासको कारण हममे धर्म-कर्मको घमण्ड करनकी बातए नाए आत हए।

परमेस्वर को सच्चो वचन

²⁷ तौ घमंड करनो रहुए नाय? बाकी तौ जघा हईये नाय! कौन से नियम से? का करमन के नियमन से? नाय, बल्किन बिस्वास के नियम से।

रोमियों 3:27 Iomraidhean Croise

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

रोमियों 10:5

जब मोशाको नियम कानुन पालन करके आदमी, कैसे परमेश्वरद्वारा धर्मी ठहिरनके बारेमे लिखी रहए, बो कही रहए: “जो आदमी नियम कानुनके पालन करत हए, बो उनसे जीवित रहाबैगो।”

रोमियों 11:6

परमेश्वर उनको भले कामसे नाए बल्कि उनके अनुग्रहसे चुनीं, अगर कामके द्वारा हए तओ अनुग्रह नाए रहितो।

रोमियों 2:17

पर तुम अपनएके यहूदी कहात हओ और मोशाको नियम कानुनमे भरोसा करत हओ। और घमण्ड करत हओ, कि तुम परमेश्वरके खास आदमी हओ।

रोमियों 2:23

तुमर ठिन परमेश्वरको नियम कानुन हए कहिके घमण्ड हए, का तुम बहे ब्यवस्था नाए मानके परमेश्वरके अनादर करत हओ?

रोमियों 3:19

हम जानत हएं, कि नियम कानुन जो कुछ कहात हए, बो उन्हीनसे कहात हए जो नियम कानुनके अधिनमे हएं जहेमारे, ताकी आदमीनके बहाना बनानसे रोक पाबए और संसारके सब आदमी परमेश्वरके न्यायके अधिनमे होमएं।

रोमियों 3:26

परमेश्वर अब जा युगमे अपनो न्याय दिखनके ताहीं आदमीनको पाप हटाएके उनके धर्मी ठहिरात हए। अइसियए येशूमे बिश्वास करन बारे सबके परमेश्वर धर्मी ठहिरात हए। काहेकी परमेश्वर अपनए धर्मी हए।

रोमियों 4:2

काहेकी अगर अब्राहाम अच्छो कामसे धर्मी ठहिरतो कहेसे बोके घमण्ड करनको कुछ कारण हुइतो, पर बो अपनो अच्छे कामके बारेमे परमेश्वरके अग्गु घमण्ड नाए कर सकत हए।

रोमियों 7:21

जहेमारे अच्छो काम करन ढुणतए-ढुणत फिर मए बहे करत हओं जो खराब हए। जहे नियम कानुन मेरे जीबनमे काम करो अनुभव मए करत हओं।

रोमियों 7:23

पर मिर शरीरको अंगमे भओ दुस्रो नियम मिर हृदयमे भओ नियम कानुन सँग युद्ध करत हए, और मिर शरीरको अंगमे भओ पापको नियम मोके पापको अधिनमे करत हए।

रोमियों 7:25

मए परमेश्वरके धन्यबाद देत हओं, काहेकी बा एक हए जौन मोके येशू ख्रीष्ट, हमर प्रभुके कारणसे बचात हए। मिर हृदयमे मए परमेश्वरको नियम कानुन पालन करन चाँहत हओं, पर मिर पापी स्वभाबके कारण मए लगातर पाप करबैठत हओं।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

रोमियों 9:31

पर इस्राएल देशके आदमी मोशाको नियम कानुनके पालन करके परमेश्वरमे धर्मी होनको कोसिस करत हएं, पर बे परमेश्वरमे धर्मी नाए हुइपाइं।

रोमियों 9:32

जा कैसे हुइसकत हए? काहेकी बे बिश्वाससे नाए, पर भले कामसे परमेश्वरमे सही बनन्के कोसिस करत रहएं, बे ख्रीष्टके कारण अपमानित भए, जोके बहे पत्थरसे तुलना करोजाए सकत हए जो आदमीनके ठेस देतहए?

1 कोरिन्थी 4:7

काहेकी जो कुछ फिर तुमर ठिन हए बो तुमके परमेश्वरके द्वारा दओ गओ हए, तुमर ठिन घमण्ड करनको कोइ अधिकार नाए हए।

गलातियों 2:16

तओ फिर हम यहूदी बिश्वासीनके जानत हएं, कि मोशाको नियम कानुनको पालन करके कोइ फिर आदमी परमेश्वरके नजरमे धर्मी घोषित नाए करोजात हए। जहेमारे येशू ख्रीष्टमे इकल्लो बिश्वास करनके द्वारा धर्मी ठहिरत हए। काहेकी हम मोशाको नियम कानुन पालन करके नाए पर येशू ख्रीष्टमे बिश्वास करनसे धर्मी घोषित करेगए हएं।

गलातियों 3:22

पर पबित्र-शास्त्र कहात हए, कि जा संसारके सब आदमी पापकी शक्तिके अधीनमे हएं। ताकी बो उपहार, जोके परमेश्वर बिश्वासके आधारमे देनके नयाँ करार करी रहए, बो उपहार बेहीं आदमी पामएं जो येशू ख्रीष्टमे भरोसा करत हएं।