रोमियों 2:14 - राना थारु नयाँ नियम

¹⁴ फिर जब अन्यजाति आदमी, जौनके ठिन नियम कानुन नाए हए, बे स्वाभाविक रुपसे मोशाको नियम कानुनमे पाए जान बारे काम मैसे कुछ कामके करत हएं। बे साबित करी हएं, कि बिनको अपनो मनमे ब्यवस्था हए। बे जानत हएं, कि का करनके हए और का नाए करनके हए।

परमेस्वर को सच्चो वचन

¹⁴ फिर जब गैर यहूदि के लोग जिनके झोने नियम हइयें नाय, अपने आप से नियम की बातन कै मानथैं तौ बे अपने आप मैं नियम हैं।

रोमियों 2:14 Iomraidhean Croise

प्रेरित 10:35

पर जाति-जातिके आदमीन मैसे चहुँ जौन जातिको होएसे फिर, परमेश्वरके आदर करन बारो और ठिक काम करन बारो आदमीके इकल्लो बा स्वीकार करत हए।

प्रेरित 14:16

बा बितेगए पिढीमे सब जाति-जातिके आदमीनके अपन-अपन रिति अनुसार चलनके दइ हए।

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

रोमियों 1:32

अइसो काम करन बारेनके मरनो ठिक होतहए कहान बारी बात परमेश्वरको धार्मिकता-विधान, जानतए जानत फिर बे उइसी गलत काम करत हएं। और गलत काम करन बारेनके सँग पुरा सहमत फिर हुइजात हएं।

रोमियों 2:12

जहेमारे, कि जौन मोशाको नियम कानुन पाए बिना पाप करी, बे बिना नियम कानुनके परमेश्वरके द्वारा दण्ड पामङगे। और जौन मोशाको नियम कानुन पाएके पाप करीहए, उनको दण्ड नियम कानुन अनुसार होबैगो।

रोमियों 2:15

बे दिखात हएं, कि परमेश्वरके द्वारा दओगओ मोशाको नियम कानुन उनके मनमे लिखो हए। काहेकी उनको अप्नो सोँच दिखात हए, कि जा सच्चो हए। काहेकी उनको बिचार या त उनके उपर दोष लगात हए। या त बे बतात हएं, कि बे सही कर रहे हएं।

रोमियों 2:27

तुम खतना करेभए यहूदी, खतना नाए करेभए गैर-यहूदीनसे दोषी ठहिरेजाबैगे। काहेकी तुम मोशाको लिखो भओ बातके और खतना पाएके फिर नियम कानुनके पालन नाए करत हओ। पर खतना नाए लगाएसे फिर, गैर-यहूदी कानुनको पालन करत हएं।

1 कोरिन्थी 11:14

का स्वाभाविक रुपसे फिर तुम नाए जानत हओ, कि अगर लोग आदमी लम्बे बार बनए हएं तओ बोके ताहीं अपमान हए।

1 कोरिन्थी 9:21

उइसीयए, जब गैर-यहूदीनके सँग काम करत हओं, तओ मए एक गैर-यहूदी कता रहात हओं। ताकी उनके जीत पामओं। लेकिन मोके पता हए, कि मए परमेश्वरको नियम कानुनके बिना रहे करत रहओं। काहेकी मए ख्रीष्टको नियम कानुनके पालन करत हओं।

इफिसियों 2:12

तुम आदमी बो समय ख्रीष्टके नाए जान्त रहओ और तुम परमेश्वरके चुनेभए आदमी इस्राएल देश कता नागरिकके रुपमे सम्बन्धित नाए रहओ और तुम परमेश्वरके आदमीनके सँग बाको प्रतिज्ञामे फिर सामिल नाए रहओ, और तुम बिना आसरा और बिना परमेश्वरके, जा संसारमे रहात रहओ।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।