रोमियों 15:14 - राना थारु नयाँ नियम

¹⁴ हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

परमेस्वर को सच्चो वचन

¹⁴ मेरे भईय्यौ और बहेनियौ; मैं पक्को बिस्वास है कि तुम लोग भलाई से भरे हौ, और तुमरियौ पास ग्यान है, और तुम एक दुसरे कै सिखान ताहीं समझाए सकथौ।

रोमियों 15:14 Iomraidhean Croise

1 कोरिन्थी 1:5

काहेकी हर बातमे तुम बहुत आशिष पाएहओ, काहेकी तुम ख्रीष्ट सँग एकजुटमे हओ। बो जा हए, कि बा तुमके अप्नो बचन मस्कनके और बुझनके सब किसिमको खास क्षमता दइ हए।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 कोरिन्थी 8:10

तुम जानत हओ, कि मूर्ति बास्तबमे परमेश्वर नाए हएं। जहेमारे तुम मूर्तिके मन्दिरमे खानु खाए सकत हओ। पर जो कोइ बिश्वासमे कमजोर हए बो तुमके हुवाँ खानु खात देखत हए, तओ बो मूर्तिनके बलि चढाओ भओ बुट्टी खानके ताहीं प्रोत्साहित होतहए। जबकी बो सोँचत हए, कि अइसो करन गलत हए।

1 कोरिन्थी 8:7

पर हमरे कुछ बिश्वासी अभएतक नाए जानत हएं, कि मूर्तिनके ठिन कोइ शक्ति नाए हए; काहेकी बे पहिले मूर्तिनके पुजा करत रहएं, अब बे बेहीं मूर्तिनके बलि चढाओ भओ खानु खात हएं। बे गल्तीसे सोँचत हएं, कि बे अभौफिर मूर्तिनको पुजामे सामिल हएं। और बे जा सोँचके परेसान होत हएं, कि अगर बे मूर्तिनके चढाओ भए खानु खात हएं तओ बे पाप करडारी हएं।

2 कोरिन्थी 8:7

पर जैसी सब बातमे तुम बढके गए हओ, अर्थात् बिश्वासमे, परचार करन या शिक्षा देनमे, ज्ञानमे, सबए जोसमे और हमर घेनको तुमर प्रेममे, उइसीयए गरीब बिश्वासीनके दान देनो जा काममे फिर बढतए जाओ।

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

फिलिप्पी 1:7

जा ठिक हए, कि मए तुम सबके ताहीं अइसियए सोँचओं, काहेकी मए तुमसे बहुत प्रेम करत हओं, जबकी मए एक कैदी हओं, या अच्छो समाचारको सच्चाईको रक्षा और साबित कररहो हओं, तुम सब मेरे सँग परमेश्वरको अनुग्रहमे सहभागी होबओ।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 थेसलोनिकी 5:11

जहेमारे तुम एकदुस्रेके उत्सहा देबओ, और एकदुस्रेके मजबुत बनाओ, जैसेकी तुम अइसो करत फिर हओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

2 थेसलोनिकी 1:11

जहेमारे लगातार हम, तुम सबके ताहीं प्राथना फिर करत हएं, ताकी हमर परमेश्वर तुमके बहे करनके लायक बनाबए जो करनके ताहीं बा तुमके बुलाइ हए। और परमेश्वर अपनो शक्तिके द्वारा सब काममे मदत करए ताकी तुमर सब भले इच्छा पुरा होएं और जो कुछ फिर तुम बिश्वाससे कर रहेहओ, बो पुरा होबए।

2 तिमोथी 1:5

मोके, तिर सच्चो येशू ख्रीष्टमे बिश्वासको सम्झना आत हए, जो पहिले तेरी दादी लोइस, और तेरी अइया युनिसमे रहए। और मोके बिश्वास हए, कि तोएमे फिर ख्रीष्टको बिश्वास हए।

फिलेमोन 1:21

मए तोके जा चिट्ठी जहेमारे लिखो हओं, काहेकी मोके बिश्वास हए, कि तए बहे करैगो, जो मए तोसे करनके बिन्ती कररहो हओं। पर मोके पता हए, कि तए बोसे फिर जद्धा करैगो, जो मए तोसे करनके बिन्ती कररहो हओं।

हिब्रू 5:12

अभएतकले त तुमके दुस्रे जनैके सिखान बारे हुइडारनके रहए। पर तुम हबए फिर परमेश्वरको बचनके बारेमे प्राथमिक बात पता नाए पाएके कोइ दुस्रो जनै तुमके सिखान पणरहो हए। तुम बालका जैसे हओ, जौन कर्रो खानु खाए नाए पातहए, बिनके दुध चाँहत हए।

हिब्रू 6:9

मेरे प्यारे भइयओ! तुम असल काम कर रहेहओ। काहेकी परमेश्वर तुमके पहिलेसे मुक्ति दइ हए। जहेमारे जे चेतावनी तुमर बारेमे नाए हए।

2 पतरस 1:12

मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।

1 यूहन्ना 2:21

तुम सत्यके नाए जानत हओ कहिके मए नाए लिखो हओं, पर तुम सत्यके जानत हओ कहिके लिखो हओं। सत्यसे झुठ नाए निकरत हए कहान बारी बात फिर तुमके पता हए।