रोमियों 14:1 - राना थारु नयाँ नियम

¹ बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

परमेस्वर को सच्चो वचन

¹ जो बिस्वास मैं कमजोर हैं, उनकै अपने अच्छे विवेक के चाल-चलन मैं मिलाए लेबौ, लेकिन उनकी राय मैं बहस करन के ताहीं नाय।

रोमियों 14:1 Iomraidhean Croise

मत्ती 12:20

बा फुटो नरकुटा जैसो कमजोर आदमीके चोट देन बारो नाए हए, और बो धिपधिप होत दियाके जैसो, कोइ फिर सहाराबिहिन आदमीके चोट नाए देहए, अन्तमे बो न्यायको बिजय होनके कारण बनैगो।

मत्ती 14:31

तओ येशू झट्ट हात फैलाएके बोके पकडलै, और बोसे कही, “ए अल्पबिश्वासी काहे शंखा करो?”

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

मर्कूस 7:19

काहेकी बो खानु बोको हृदयमे नाए, पर पेट भितर घुसत हए और बाहिर निकर जातहए।” अइसियए, बा सब खानु शुद्ध हए कहिके बताए दइ।

लूका 17:2

जौन आदमी जे छोटो मैसे एकके पाप करन लगात हए बोके घेँटमे चकियाको पट्टा बाँधके बोके समुन्दरमे फेकदेनो बोके ताहीं ठिक हुइहए।

यूहन्ना 13:20

नेहात्तओ मए तुमसे कहात हओं, ‘जौनके मए पठात हओं, बोके स्वीकार करन बारो आदमी मोके स्वीकार करत हए, और मोके स्वीकार करन बारो मोके पठान बारोके स्वीकार करत हए।’”

प्रेरित 28:2

हुवाँके बासिन्दा हमके अपनए कता प्रेम और बहुत दया दिखाइं। बो बेरा पानी पणनलागो और बहुत जाडो भओके कारणसे बे आगी पजारके हमके स्वागत करीं।

रोमियों 11:15

काहेकी जबकी इस्राएलके आदमीनके त्यागदेनो संसारके आदमीनको मेलमिलापको कारण भओ, तओ जब बे ख्रीष्टके मसिहाके रुपमे ग्रहण करंगे तओ जा एक मरे भए आदमी कता होइगो जो फिरसे जिन्दा हुइगओ हए।

रोमियों 14:2

काहेकी एकके बिश्वास हए, कि सब कुछ खान ठिक हए, पर जो बिश्वासमे कमजोर हए, बो सागसब्जी इकल्लो खात हए।

रोमियों 14:21

उचित त जा होबैगो, कि बुट्टी मत् खाओ, दारु मत् पिइयओ और कोइ अइसो काम मत् करियओ जोसे तुमर सँगी बिश्वासीके पाप करन लगात हए।

रोमियों 14:3

बुट्टी खान बारे सागसब्जी इकल्लो खान बारेनके तुच्छ नाएकहाए; और उइसीयए सागसब्जी खान बारे बुट्टी खान बारेनके तुच्छ नाए कहाए; काहेकी परमेश्वर दुनौके ग्रहण करत हए।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

रोमियों 15:7

जहेमारे, एकदुस्रेके स्वीकार करओ, जैसेकी ख्रीष्ट तुमके स्वीकार करीहए, ताकी आदमी परमेश्वरको प्रसंसा करएं।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

फिलिप्पी 2:29

जहेमारे तुम प्रभुमे इपाफ्रोडिटससे बहुत आनन्दसे भेँट करीयओ, और तुमके इपाफ्रोडिटसके और बहे हानी आदमीनके सम्मान करन पणैगो।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

हिब्रू 5:14

कर्रो खानु त बिश्वासमे बलियो भए आदमीनके ताहीं हए। बो असल और खराब बात छुट्टयानके तालिम पाए डारत हए।

2 यूहन्ना 1:10

अगर कोइ तुमर ठिन आए, और अगर बो कुछ अइसो शिक्षा दइ रहोहए, जो ख्रीष्टको शिक्षासे अलग हए, बोके घरमे मत् आनके देओ, और बोके नमस्कार करके उत्सहा मतदेओ।