रोमियों 10:9 - राना थारु नयाँ नियम

⁹ काहेकी अगर तुम येशूके प्रभु हए कहिके अपनो मुँहुँसे आदमीनके अग्गु स्वीकार करोभओसे जिन्दा करीहए कहिके अपनो हृदयमे बिश्वास करे कहेसे परमेश्वर तुमके उद्धार देबैगो।

परमेस्वर को सच्चो वचन

⁹ कि अगर तैं अपने मोहों से ईसु कै प्रभु मानकै अंगीकार करै मतलब ईसु कै प्रभु मानिये लेबै और अपने मन मैं बिस्वास करकै कि परमेस्वर बाकै मरे भैन मैं से जिंदो करी है, तौ तू सच्ची मैं उद्धार पायगो।

रोमियों 10:9 Iomraidhean Croise

लूका 12:8

“जहेमारे, मए तुमसे कहात हओं, जौन मोके आदमीनके अग्गु, ‘मए प्रभुको चेला हओं’ करके स्वीकार करैगो, बोके मए, आदमीको लौंणा फिर परमेश्वरको स्वर्गदूतके अग्गु मिर चेला हएं करके स्वीकार करंगो।

यूहन्ना 9:22

यहूदी समुहके अगुवनके डर्के मारे, बे अइसो जबाफ दइ रहएं। काहेकी येशूके मुक्ति देन बारो राजा ख्रीष्टमे जौन-जौन बिश्वास करंगे, बिनके यहूदी सभाघरसे निकारनको फैसला यहूदी अगुवाके पहिलीयए करडारी रहएं।

प्रेरित 16:31

बे कहीं, “प्रभु येशू ख्रीष्टमे बिश्वास करओ, तओ तुम और तुमर परिवार मुक्ति पामंगे।”

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

रोमियों 10:10

काहेकी हम अपने हृदयमे बिश्वास करत हएं जहेमारे हम परमेश्वर द्वारा धर्मी घोषित करेजात हएं। और हम अपने मुँहुँके इस्तमाल करत हएं जा कहानके ताहीं, कि हम बिश्वास करत हए, और जहेमारे हम उद्धार पातहएं।

रोमियों 14:11

पबित्र-शास्त्रमे लिखो हए, “प्रभु कहात हए, मए अपने आपके तुमसे वादा कर सकत हओं कि हर कोइ मेरे अग्गु घुँटो टेकंगे, और सबए आदमी मुँहुँसे परमेश्वरके स्वीकार करंगे।”

रोमियों 14:9

चहुँ हम बचएं, चहुँ मरएं, हम प्रभुएके हएं। काहेकी ख्रीष्ट जहेमारे मरो और फिरसे जिन्दा हुइगओ ताकी बा मरे भए और जिन्दा रहे भए दुनौ आदमीनको प्रभु हुइपाबए।

रोमियों 4:24

बल्कि हमर ताहीं फिर लिखोगओ हए, जौन हमर प्रभु येशूके मरे मैसे फिरसे जीबन देन बारो परमेश्वरमे बिश्वास करी हएं। जहे बिश्वासके कारणसे हम फिर परमेश्वरके अग्गु धर्मी घोषित करेजामंगे।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

1 कोरिन्थी 12:3

जहेमारे मए चाँहत हओं कि तुम सम्झओ, कि जो कोइ परमेश्वरको आत्माके अगुवाइसे मस्कत हए, बो अइसे नाए कहात कि येशू सरापित हए, पबित्र आत्मा इकल्लो एक हए बा जोकोइ आदमीके फिर कहानके ताहीं सक्षम कर सकत हए कि, “येशूए प्रभु हए।”

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।