रोमियों 1:21 - राना थारु नयाँ नियम

²¹ जहेमारे कि परमेश्वरके जानके फिर बे परमेश्वरके रुपमे सम्मान नाए दइं, बल्कि बे बिपरित बिचार करन लागे, हियाँतककी बे उइसे नाए सोँचत हएं जैसे उनके सोँचनके रहए, बे ठिक रितिसे नाए सोँचत हएं।

परमेस्वर को सच्चो वचन

²¹ जहे वजह से परमेस्वर कै जानत भै बाके काबिल कोई बड़ाँईं और धन्यवाद नाय करीं, पर बे बेकार बिचार करन लागे, हिंयाँ तक कि उनको र्निबुद्धि मन अंधियारो हुई गौ।

रोमियों 1:21 Iomraidhean Croise

यूहन्ना 3:19

और दण्डको आज्ञाको कारण जा हए, कि उजियारो संसारमे आइगओ रहए, तहुँफिर आदमी उजियारोसे जद्धा अन्धकारके अच्छो मानीं। काहेकी बिनके काम खराब रहए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

रोमियों 1:19

जहेमारे जे सब, मानब जातिके ताहीं स्पष्ट हए, कि परमेश्वर कैसो हए। काहेकी परमेश्वर अपनए उनके स्पष्ट करदइ हए।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

रोमियों 11:10

उनकी आँखी अन्धरा हुइजाएं ताकी बे देख नाए पामएं, और बे सदामान उनको समस्यामे रहिरहामएं।”

रोमियों 15:9

और गैर-यहूदी फिर परमेश्वरको दयाके कारण बाके महिमा करएं। जा ठिक उइसीयए हए जैसे पबित्र-शास्त्रमे लिखो हए, “जहेमारे मए गैर-यहूदीनके बीचमे तेरो महिमा करंगो, और तेरे नाउँको भजन गामंगो।”

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

1 पतरस 1:18

तुमके पता हए, बिगतमे तुम ब्यर्थ तरिकासे जीबन बितान डटे रहओ, जौन तरिका तुमर पुर्खा बितात रहएं। पर तुम बो बेकारको जीबनसे बचाएगए हओ। तुम सोनो और चाँदी जैसे नष्ट होन बारे चीजसे छुटकारा नाए करेगए हओ,

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

प्रकाश 14:7

बो जोडसे चिल्लाएके कहीं, “परमेश्वरको डर मानओ और बाके आदर देबओ, काहेकी अब बाके आदमीनको न्याय करनको समय हए। बाको आराधना करओ काहेकी बा बादर, पृथ्वी, समुन्दर और पानीको मुल बनाइ।”

प्रकाश 15:4

हे परमप्रभु, तुमके सब आदमी आदर करत हएं, और बे सब तुमर नाउँके सम्मान करत हएं, काहेकी तुमही इकल्ले पबित्र परमेश्वर हओ। हर राज्यके सब जाति तुमर ठिन आत हएं और बे तुमर आराधना करत हएं, काहेकी तुमर धार्मिक काम सबके अच्छेसे पता हए।”