रोमियों 1:13 - राना थारु नयाँ नियम

¹³ और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

परमेस्वर को सच्चो वचन

¹³ भईय्यौ और बहेनियौ, मैं नाय चाहथौं कि तुम जासे बेखबर रहबौ कि मैं, निरे बार तुमरे झोने आनो चाहो, कि जैसो मोकै दुसरे गैर यहूदि मैं बिस्वास रूपी फल मिलो, बैसिये तुम्हऊँ मैं मिलै, लेकिन हबै ले दिक्कतै आत गईं।

रोमियों 1:13 Iomraidhean Croise

यूहन्ना 12:24

नेहात्तओ, मए तुमसे कहात हओं, गेहुँको दाना मट्टीमे पणके नाए मरो कहेसे बो उइसीयए रहात हए। पर अगर मट्टीमे पणके दाना मरिगओ कहेसे बो बहुत फरा फरात हए।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

प्रेरित 15:12

तओ सारा सभा चुपचाप हुइके बारनाबास और पावलको बातके सुनीं, कि परमेश्वर उनके द्वारा गैर-यहूदीनमे कैसे-कैसे चिन्हा, और चमत्कारको काम दिखाइ।

प्रेरित 19:21

जा घटना पिच्छु, पावल माकेडोनिया परदेश और अखैया परदेशके बिश्वासीनसे भेँटनके बाद यरूशलेम सहरमे जानके फैसला करी। बो कही, “यरूशलेम सहरमे जएहओं तओ मए रोम सहरमे फिर जानपणैगो।”

प्रेरित 21:19

बिनके नमस्कार करके पिच्छु, पावल बिनको सेवाकाइसे गैर-यहूदीनके बीचमे परमेश्वरको करोभओ कामके, बिनके एक-एक करके बताइ।

प्रेरित 28:14

हुवाँ हम प्रभुमे बिश्वासी ददाभइयनके भेँटे। बे हमके एक हप्तातक बैठओ कहिके बिन्ती करीं। और अइसियए, उनके सँग रहानके बाद हम भूमि मार्गसे रोम सहर घेन अपनो यात्रा सुरु करे।

रोमियों 1:12

मिर कहानको अर्थ जा हए, कि मए तुमके प्रोत्साहित करनमे मदत करपामओं और तुम मोके प्रोत्साहित करनमे मदत करपाबओ। तुम पक्को हुइ जाबैगे काहेकी तुम जनत हओ, कि मए कैसे बिश्वास करत हओं, और मए पक्को हुइ जांगो काहेकी मए जानत हओं, कि तुम कैसे बिश्वास करत हओ।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

रोमियों 7:1

हे मेरे ददाभइयओ, तुम जानत हओ, कि मए जा बात नियम कानुन जानन बारेनसे कहानडटो हओं। जब तक आदमी जिन्दा रहात हए तबसम इकल्लो आदमीमे नियम कानुनको अधिकार लागु होत हए।

1 कोरिन्थी 1:10

हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

1 कोरिन्थी 10:1

हे मेरे बिश्वासी ददाभइयओ, मए चाँहत हओं कि तुम याद करओ, कि जंगली इलाकामे हमरे पुर्खनके सँग बहुत समय पहिले का भओ रहए। परमेश्वर बे सबके एक बादर पठाएके निर्देशन करी, जो उनके अग्गु-अग्गु चलत रहए। और बादर बे सबके सुखो भओ जमिनके कता लाल समुन्दरके पानीके बीचसे सुरक्षित रुपसे लाइ।

1 कोरिन्थी 12:1

हे मेरे बिश्वासी ददाभइयओ, पबित्र आत्मा हमके दओ भओ बरदानके बारेमे तुमर करेभए सबालके बारेमे तुम असल तरिकासे बुझओ कहिके मए चाँहत हओं।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 9:2

अगर अन्य आदमी जा स्वीकार नाए करत हएं, कि मए प्रभु येशूको चुनो भओ चेला हओं, तओ तुम बिश्वासी भइयनके जाके स्वीकार करन चाहो। काहेकी मए बहे हओं जो तुमर ठिन अच्छो समाचार लैके आओ रहओं। तुम प्रभु येशूमे बिश्वास कर रहेहओ, जासे साबित होत हए, कि मए बाको चुनो भओ चेला हओं।

2 कोरिन्थी 1:8

हे मेरे बिश्वासी ददाभइयओ, हम एशिया परदेशमे भोगेभए दुखके बारेमे तुम पता पाबओ कहिके मए चाँहत हओं। काहेकी हम इत्नो जद्धा बोझसे दबे रहएं, कि हमर सहान बारो शक्तिसे फिर बहुत रहए, हियाँतककी हम बचंगे कहिके हमर आसरा फिर नाए रहिगओ रहए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

गलातियों 3:15

हे मेरे बिश्वासी ददाभइयओ, मए साधारण जीबनसे उदाहरण दइ रहो हओं। जब दुई आदमी एक समझौता करत हएं, और बे जाको प्रमाणित करत हएं। तओ अइसो कोइ फिर नाए हए, जो बो समझौताके बदल पाबए।

गलातियों 6:18

हे मेरे बिश्वासी ददाभइयओ, मए प्राथना करत हओं, कि हमर प्रभु येशू ख्रीष्टको अनुग्रह तुम सबके सँग रहाबए। आमेन।

फिलिप्पी 1:22

पर अगर शरीरमे जिन्दा हामंगो कहेसे मए ख्रीष्टके ताहीं अच्छो काम करपामंगो। मए नाए जानत हओं, कि जामैसे कौनछो अच्छो हए।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

1 थेसलोनिकी 2:18

जहेमारे हम (अर्थात् मए पावल) एक चोटी नाए, बल्कि बहुत चोटी आन चाहो, पर शैतान हमके तुमर ठिन आनके ताहीं रोकी।

1 थेसलोनिकी 4:13

हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

2 थेसलोनिकी 2:7

काहेकी बो दुष्ट आदमीको शक्ति संसारमे गोप्य रुपमे काम कररहो हए। पर हुवाँ एक हए, जो दुष्ट कामको शक्तिके रोक रहो हए। तबतक परमेश्वर दुष्ट आदमीके रोके रएहए, जब तक दुष्टके जा डगरसे नाए हटाव जएहए।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।