प्रकाश 9:17 - राना थारु नयाँ नियम

¹⁷ बे घोडा और उनके सवार, जौननके मए दर्सनमे देखो, बे अइसे दिखात रहएं: उनकी लोहाके बने भओ कबचमे अग्नि कता लाल, गाढो निलो और गन्धकके कता पेरे रहएं। घोडनको मुण बघटाको मुण कता दिखात रहएं, उनके मुँहुँसे आगी, धुँवा और गन्धक निक्रत रहएं।

परमेस्वर को सच्चो वचन

¹⁷ और अपने दर्सन मैं घोड़ा और उनके सवारन कै देखो: जिनके कवच आगी के तराहनी लाल, नीलम के तराहनी नीलो, और गंधक के तराहनी पेरे रहैं। और बे घोड़न की मुड़िया सेरा की मुड़िया के तराहनी रहैं, और उनके मोहों से आगी, धुआँ और गंधक निकरत रहै।

प्रकाश 9:17 Iomraidhean Croise

प्रकाश 11:5

अगर कोइ उन्हएं नुक्सान पुगानके कोसिस करत हए, तओ उनके मुँहुँसे आगी निक्रत हएं और उनके दुश्मनके नाश करदेत हएं; और अइसियए जोकोइ उन्हएं नुकसान पुगानके कोसिस करैगो, बो मारो जाबैगो।

प्रकाश 14:10

बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 21:20

पाँचौँ आनिक्स, छैठौँ लालमणि, सातौँ पीतमणि, आठौँ बेरूज, नवौँ पुष्पराज, दशौँ लसुने, एघारौँ नीलमणि, बाह्रौँ कटेलाको रहए।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 9:18

पृथ्वीके सब आदमी मैसे एक तिहाइ आदमीनके जे तीन भयानक बिपत्तिनके द्वारा मारे गए, जो घोडनको मुँहुँसे निक्रत रहएं अर्थात्: आगी, धुवाँ और गन्धक।

प्रकाश 9:9

अपनी छातीमे बे लोहाके बनेभए कबच पैँधे रहएं। जब बे उणत रहएं, तओ बे अइसे अबाज निकारत रहएं, जैसे कोइ घोडा लडाइमे जान बारो रथके तानत पेती करत हएं।