प्रकाश 9:1 - राना थारु नयाँ नियम

¹ तओ पाँचौँ स्वर्गदूत अपन तुरही फुँकी, और मए एक तारा बादरसे पृथ्वीमे गिरनडटो देखो, जो ताराके कुन्जी दओगओ जौन गहिरो कुण्डा खोदन सिकत हए, जौनको गहिराइको कोइ अन्त नाए हए।

परमेस्वर को सच्चो वचन

¹ बाके बाद पाँचमों स्वर्गदूत तुरहई फूँकी। तौ मैं आसमान से पृथ्वी मैं एक तारा गिरत भइ देखो, और बाकै अधोलोक की चाबी दई गई रहै।

प्रकाश 9:1 Iomraidhean Croise

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

लूका 8:31

“हमके गहिरो कुण्डामे मत् पठाबओ,” कहिके भुत येशूसे बिन्ती करीं।

रोमियों 10:7

या “और अपन मनमे अइसो फिर मत् कहियओ, कि ‘ख्रीष्टके मरे भए मैसे उपर लानके ताहीं पातालमे कौन उतरैगो?’”

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

प्रकाश 1:20

अब मए बतामंगो, कि मेरे दाहिना हातके सात ताराको अर्थ का हए, और सोनोके सात दियाको अर्थ का हए, जोकी पहिले कोइके पता नाए रहए। जाको अर्थ जा हए: सात दिया सात मण्डली हएं, और बे सात तारा सात मण्डलीक स्वर्गदूत हएं।

प्रकाश 11:7

जब दुई साक्षी परमेश्वरके सन्देशके परचार करडारंगे, तओ बो राक्षस जो गहिरो कुण्डा मैसे निक्रैगो, बो बे दुई आदमीनके सँग लणैगो, उन्हएं हराए देबैगो और उन्हएं मार डारैगो।

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।

प्रकाश 20:1

तओपिछु गहिरो कुण्डाको कुन्जी और एक बडो सँकार हातमे लओभओ एक स्वर्गदूत स्वर्गसे उतरके आओ मए देखो।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 6:13

तारा, बादरसे पृथ्वीमे अइसे गिरपणे जैसे जोडसे आँधी आत हए तओ अञ्‍जीरको पेणसे कच्चो फरा गिरजात हएं।

प्रकाश 8:10

तिस्रो स्वर्गदूत अपन तुरही फुँकी; और जाके कारण, बादरसे पजरत ऊँका कता पज्रनडटो एक बडो तारा गिरो। और नदीयाके तिस्रो भागमे और ताजा पानीके मुहानमे गरिगओ।

प्रकाश 8:12

चौथो स्वर्गदूत अपन तुरही फुँकी, और जाके कारण, सूर्यको तिस्रो भाग, और जोनीको तिस्रो भाग और ताराको तिस्रो भागमे नुक्सान हुइगओ, हियाँतककी तारनको तिस्रो भाग अन्धियारो हुइगओ और सूर्यको तिस्रो भागमे उजियारो नाए रहो, और उइसीयए रातको तिस्रो भागमे अन्धियारो हुइगओ।

प्रकाश 8:2

और मए बे सात स्वर्गदूतनके देखो जो परमेश्वरके अग्गु ठाणे रहात हएं, और उन्हएं सात तुरही दओगओ।

प्रकाश 9:2

बो गहिरो कुण्डा खोली, और बो कुण्डा मैसे आगिको बडो भठ्ठासे निक्रो भओ धुवाँ कता आओ, और बो कुण्डाको धुवाँ सूर्य और वायुमण्डल अँध्यारोसे छैगओ रहए।