प्रकाश 3:3 - राना थारु नयाँ नियम

³ तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

परमेस्वर को सच्चो वचन

³ तभई याद रखौ, कि तुम्हैं का सिखाओ गौ रहै और तुम का सुनें रहौ; बाको पालन करौ और अपने पापन से मन फिराबौ। और अगर तुम ना जगैगे, तौ मैं चुट्टा के तराहनी तुमरे झोने आंगो, कि मैं कोनसे समय तेरे ऊपर आए पड़ंगो।

प्रकाश 3:3 Iomraidhean Croise

मत्ती 25:13

जहेमारे जगे रहाबओ, काहेकी मए घुमके आन बारो दिन, और बो समय तुम पता नाए पएहओ।

मर्कूस 13:33

देखओ, संसार रहियओ और परमेश्वरसे प्राथना करत रहियओ, काहेकी तुम नाए जानत हओ, जे बात कब होमंगे।

मर्कूस 13:36

अगर बो बिना चेतावनी अचानक आतहए तओ बोके जा पता नाए होन पणो, कि तुम सोए रहेहओ।

1 थेसलोनिकी 5:2

काहेकी तुमके पता हए, कि जैसे रातमे चुट्टा अचानक आत हए, उइसीयए प्रभु येशू फिरसे लौटके आबैगो।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 1:13

पक्का कर, कि तए अपने उदाहरणके द्वारा बहे साच्ची शिक्षाके रक्षा करैगो, जो तए मोसे सुनो हए। और तए अइसो, बिश्वास और प्रेमसे कर, काहेकी तए येशू ख्रीष्टके सँग एकजुट भओ हए।

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

2 पतरस 1:13

मोके पता हए, कि मए जिन्दा रहानतक तुमर सँग बे बातके बारेमे बत्कातए रहान ठिक हए, ताकी तुम बे बात नाए भुलओ।

2 पतरस 3:1

हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।

2 पतरस 3:10

पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 2:5

जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।

प्रकाश 3:2

जहेमारे जगो रहो, मोएमे तिर बिश्वासके मजबुत बना, ताकी जा सब पुरा रुपमे खतम नाए होए, काहेकी तिर कुछ बिश्वास बाँकी हए। मोके पता हए, कि तए सिद्ध नाए हए काहेकी तए जो करनडटो हए बोसे परमेश्वर खुसी नाए हए।