प्रकाश 3:18 - राना थारु नयाँ नियम

¹⁸ तभीमारे, मए तोके सल्लाहा देहओं, कि आगीसे शुद्ध भओ सोनो मोसे खरिद, ताकी तए नेहात्तओ धनी बनपाबए। तोके अपनए लगान ताहीं सेतो लत्ता फिर किनन पणैगो, जौनके कारण तेरे सँग लता होबए और तए सरममे नाए पडए। और तोके तेरे आँखीमे लगानके ताहीं कुछ मलम फिर किनन पणैगो, ताकी तए देख पाबए।

परमेस्वर को सच्चो वचन

¹⁸ इसलै मैं तोकै सलाह देथौं, कि सेठ होन के ताहीं मोसे सुद्ध सोना मोल लेबौ। और खुदकै तैयार करन के ताहीं सेतो लत्ता भी मोल लेबौ ताकी अपनी सर्मनाक नंगेपन कै ढकौ। और अपनी आँखी मैं लगान के ताहीं मलहम ले ताकी तुम देखन लगौ

प्रकाश 3:18 Iomraidhean Croise

मत्ती 13:44

येशू कही, “स्वर्गको राज्य कोइ आदमीको खेतमे गाडके धरो भओ धन कता हए। जहाँ एक दुस्रो मनै पात हए और फिरसे दुस्राएके खोदके लुकाएदेत हए ताकी दुस्रे आदमी नाए पामएं। तओ बो आदमी आनन्दीत हुइके चलोजात हए और अपन ठिन भओ सबए चीज बेँचके बो खेत किनलेत हए।”

मत्ती 25:9

तओ समझदार कन्या अइसे करके जबाफ दइं, “हमर और तुमर दुनौके पुगनके ताहीं इत्तो तेल नाए हए, बरु दुकान बारे ठिन जाओ और अपन ताहीं तेल किनओ।”

लूका 12:21

अइसियए बे आदमीके सँग फिर होबैगो जो अपन ताहीं धनसम्पति इकट्ठा करत हए, पर परमेश्वरको सेवा ताहीं उपयोग नाए करत हएं।”

2 कोरिन्थी 5:3

काहेकी जब हम बो स्वर्गीय शरीर प्राप्त करत हएं, तओ हम बिना शरीरके नाए रहामंगो।

2 कोरिन्थी 8:9

तुम हमर प्रभु येशू ख्रीष्टको अनुग्रह जानत हओ, कि बा धनी हुइके फिर तुमर ताहीं कंगाल बनिगओ ताकी बाके कंगाल हुइजानसे तुम धनी हुइजाबओ।

1 तिमोथी 6:18

और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 19:8

अब बोके बहुत अच्छो मुलायम कपडाको लत्ता पैँधनके दइ हए, जो पबित्र और शुद्ध हएं और थुमाके द्वारा दइ हए, जौनको बिश्वासीनके भलो कामनको प्रतिक हए।”

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।

प्रकाश 3:17

तए कहात हए, ‘मए धनी हओं और मिर सँग बहुत धनसम्पति हए। मोके चाहन बारी सब चीज मेरे सँग हए।’ पर सच्चो जा हए, कि तए अन्धरा कता हए, तए खासमे कैसो हए कहान बारी बात तोके पता नाए हए। तोके दयाको जरुरत हए, काहेकी तए गरीब हए, जाको मतलब तोके बिश्वासको जरुरत हए। तए फिर बहे आदमी कता हए जोके सँग लत्ता नाए होत हए।

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।

प्रकाश 7:13

जामे धर्मगुरुन मैसे एक जनै मोसे पुछीं, “जे सेतो लत्ता पैँधेभए कौन हएं? और कहाँसे आए हएं?”