प्रकाश 3:11 - राना थारु नयाँ नियम

¹¹ मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

परमेस्वर को सच्चो वचन

¹¹ मैं जल्दिये आनबारो हौं। तुमरे झोने जो कुछ भी बाकै समार कै रखैं, ताकी कोई भी तुमरे जीत के इनाम कै छीन ना पाबै।

प्रकाश 3:11 Iomraidhean Croise

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

फिलिप्पी 4:5

सब आदमी तुमर सहनशील स्वाभावके जान जामएं। प्रभु येशू जल्दी आएरहो हए।

2 तिमोथी 2:5

अइसियए जब एक आदमी दुस्रेके बिरुद्ध दौडमे भाग लेतहए, तओ अगर बो दौडको नियमके पालन नाए करत हए, तओ कोइ फिर बोके इनाम नाए देबैगो।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

याकूब 5:9

हे मेरे बिश्वासी ददाभइयओ, एकदुस्रेके उपर दोष मत् लगाबओ, ताकी तुम दोषी नाए ठहिरओ। देखओ, न्याय करन बारो बहुत ढिँगै हए, और बा आनके तयारीमे हए।

प्रकाश 1:3

परमेश्वर हर बो आदमीके आशिष देबैगो जौन जा अगमबाणीके दुस्रेनके पढके सुनात हए, और बा हर बो आदमीके आशिष देबैगो जौन जाके सुनत हए और जाके पालन करत हए। काहेकी जे चीज जल्दीय होमंगे।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 22:12

तओ प्रभु येशू कही, “देख, मए जल्दीए आमंगो। आदमीको करोभओ काम अनुसार इनाम या दण्ड देनके ताहीं मए आएरहो हओं।

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।