प्रकाश 2:5 - राना थारु नयाँ नियम

⁵ जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।

परमेस्वर को सच्चो वचन

⁵ सोचौ कि तुम कितनी दूर गिर गै हौ! अपने पापन से मन फिराबौ और बहे करौ जो तुम पहले करे रहौ। अगर तुम अपने पापन से मन न फिरागे, तौ मैं तुमरे झोने आए कै तुमरो डीट बाके जघा से उठाए लुंगो।

प्रकाश 2:5 Iomraidhean Croise

मत्ती 5:14

तुम पुरे संसारके ताहीं ज्योति कता हओ। जौन सहर पहाड उपर बनाओगओ हए बो लूक नाए पएहए।

मत्ती 5:15

और आदमी दिया पजारके डलैयासे नाए तोपत हएं, पर आरोमे धरत हएं, और घरमे होन बारेनके सबके ताहीं बो उजियारो देत हए।

मर्कूस 12:9

तुमके का लागत हए, कि अंगुरको बारीको मालिक का करैगो? बो आबैगो, और बे किसानदारनके मार डारैगो, और अंगुरको खेत औ दुस्रेके दइदेहए।

लूका 1:17

बप्तिस्मा देन बारो यूहन्ना एक अइसो आदमी होबैगो, जौनके सँग परमेश्वरको वक्ता एलियाको आत्मा और शक्ति होबैगो। बो प्रभुको डगर तयार करैगो। और दौवाको मन लौंणालौंणीयाके घेन होबैगो; अनाज्ञाकारी आदमीके, परमेश्वरको ज्ञानके स्वीकार करन बारो बनाबैगो; और प्रभुके ताहीं एक योग्य प्रजा तयार करैगो।”

लूका 20:16

बो आएके बे अधिया बारेनके मारैगो और अंगुरको बारी औरेनके दइदेहए।” आदमी जा सुनके कहीं, “परमेश्वर अइसे कभु नाए होबए।”

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

2 पतरस 3:17

जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

प्रकाश 1:20

अब मए बतामंगो, कि मेरे दाहिना हातके सात ताराको अर्थ का हए, और सोनोके सात दियाको अर्थ का हए, जोकी पहिले कोइके पता नाए रहए। जाको अर्थ जा हए: सात दिया सात मण्डली हएं, और बे सात तारा सात मण्डलीक स्वर्गदूत हएं।

प्रकाश 16:9

आदमी जा तेज गर्मिसे जरिगए, और बे परमेश्वरके बदनाम करीं, काहेकी बाके इकल्लो बो बिपत्तीके उपर अधिकार दओगओ रहए। तहुँफिर बे पाप करन छोडके परमेश्वर घेन नाए घुमीं, और अभौफिर बे परमेश्वरके महिमा देन इन्कार करीं।

प्रकाश 2:16

जहेमारे पाप करन छोडके परमेश्वर घेन घुम, अगर तए अइसो काम करन बन्द नाए करैगो, तओ मए जल्दीए आमंगो और बे आदमीनके बिरुद्ध बो तरबारसे लडंगो, जो मिर मुँहुँसे निक्रत हएं, जो मिर बचन हए।

प्रकाश 2:19

मए पता हए, कि तए कैसे कडा मेहेनत करत हए, तए एकदुस्रेनके प्रेम करत हए और तिर बिश्वास मोएमे मजबुत हए। और मोके पता हए, कि तए एकदुस्रेनके कैसे मदत करत हए, तोएमे सहानको क्षमता हए। मोके पता हए, कि तए पहिले मोएमे बिश्वास करो समयसे अभए जे अच्छे काम करनडटो हए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।