प्रकाश 16:15 - राना थारु नयाँ नियम

^15-16 दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

परमेस्वर को सच्चो वचन

¹⁵ “सुनौ! मैं चुट्टा के तराहनी आए रहो हौं! धन्य है बौ जो जगत रहथै, और अपने लत्तन की रखबारी करथै, ताकी बौ नंगो नाय चलै और सब लोगन के सामने बाकी बेजती ना होबै!”

प्रकाश 16:15 Iomraidhean Croise

मत्ती 25:13

जहेमारे जगे रहाबओ, काहेकी मए घुमके आन बारो दिन, और बो समय तुम पता नाए पएहओ।

मत्ती 26:41

जगे रहओ, परमेश्वरसे प्राथना करओ और सतावटमे मतपणओ। आत्मा त नेहात्तओ तयार हए, पर शरीर कमजोर हए।”

मर्कूस 14:38

जगे रहाओ और परमेश्वरसे प्राथना करतए रहओ, तुम सतावटमे नाए पणनके ताहीं जगे रहाओ और प्राथना करत रहाओ। तुमर ह्रदय सही हए, पर तुमर शरीरमे तागतकी कमी हए।”

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

2 कोरिन्थी 5:3

काहेकी जब हम बो स्वर्गीय शरीर प्राप्त करत हएं, तओ हम बिना शरीरके नाए रहामंगो।

1 थेसलोनिकी 5:4

पर हे मेरे बिश्वासी ददाभइयओ, तुम त अंधियारोमे नाए हओ, कि प्रभुको फिरसे लौटके आनको दिन तुमर उपर चुट्टा हानी अचानक तुमर बिना तयारीको आएजाए।

1 थेसलोनिकी 5:6

जहेमारे हमके गैर-बिश्वासीन कता सोतए रहाए नाए पणत हए, कहुँ अइसो नाए होए प्रभुक आन बारो दिन हम बिना तयारीके पाएजाएं। पर हमके जगे रहान पणत हए और अपनए सचेत होन पणत हए।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

2 पतरस 3:10

पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 3:18

तभीमारे, मए तोके सल्लाहा देहओं, कि आगीसे शुद्ध भओ सोनो मोसे खरिद, ताकी तए नेहात्तओ धनी बनपाबए। तोके अपनए लगान ताहीं सेतो लत्ता फिर किनन पणैगो, जौनके कारण तेरे सँग लता होबए और तए सरममे नाए पडए। और तोके तेरे आँखीमे लगानके ताहीं कुछ मलम फिर किनन पणैगो, ताकी तए देख पाबए।