प्रकाश 15:2 - राना थारु नयाँ नियम

² तओ मए कुछ देखो, जो समुन्दर कता दिखात रहए, जो फुलको बर्तन कता चम्कनडटो रहए और बोमे आगी फिर मिलो रहए। मए बे आदमीनके फिर देखो, जो राक्षससे जिते रहएं। बे राक्षसको और बोको मूर्तिको आराधना नाए करी रहएं, और उनमे राक्षसको नाउँको संख्याको छाप नाए लगाओगओ रहए। हुवाँ बे, बो समुन्दर किनारे ठाणे रहएं, और बे सब एक बिणा पक्णे रहएं जो परमेश्वर उन्हएं दइ रहए।

परमेस्वर को सच्चो वचन

² फिर मैं आगी से मिलो भै सीसा के जैसो एक समुंदर देखो, मैं बे लोगन कै भी देखो जो बे जानवर और बाकी मूर्ति मैं जीत हासिल करी रहैं, और जोको नाओं एक नम्बर से दिखाओ गौ रहै। बे सीसा के समुंदर के किनारे परमेस्वर की वीड़ाँ पकड़े भै ठाड़े रहैं, जो परमेस्वर उनकै दई रहै

प्रकाश 15:2 Iomraidhean Croise

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

1 पतरस 4:12

प्रिय हो, तुम जो भोग रहेहओ बो दुख लगान बारो बातमे अचम्मो मत् मानओ, काहेकी तुम ख्रीष्टके हओ। पार जे बात जा दिखानके ताहीं हुइ रहो हए, कि तुम सचमे परमेश्वरमे बिश्वास करत हओ या नाए करत हओ। बहेमारे, जा मत् सोँचओ, कि तुमर सँग कुछ अचम्मो हुइ रहो हए।

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

प्रकाश 13:1

मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 13:17

सिरफ बेहीं जौनमे जा छाप रहए बेहीं कुछ किन या बेँचपात रहएं। बो छाप पहिलो राक्षसको नाउँ रहए या बोको नाउँके दर्सान बारो एक संख्या रहए।

प्रकाश 21:18

बो सहर निख्रो भओ सोनोसे बनोगओ रहए, जो सिसा कता चम्कत रहए। और जाको दिबाल बहुमुल्य पत्थरसे बनोगओ रहए, जोके यास्पर कहोजात हए।

प्रकाश 4:6

बो सिंहासनके अग्गु समुन्दर कता चौँडो कुछ रहए। जो सिसा कता स्पष्ट रहए। सिंहासनके चारौ किनारे जिन्दा प्राणी रहएं, जौनको शरीर आँखीसे पुरए तुपो रहए।

प्रकाश 5:8

जब बा खलरीको चिट्ठीके लैलै, तओ बे चारौ जिन्दा प्राणी और चौबिसौ धर्मगुरु थुमाके अग्गु झुकीगए; और सब धर्मगुरु एक बिणा और सोनोसे बनो भओ कटोरा पक्णे रहएं। कटोरा धुपसे भरो भओ रहए जो बो धुपको सुगन्ध बे आदमीनको प्राथनाको चिन्हा हए जो परमेश्वरके हएं।