प्रकाश 14:13 - राना थारु नयाँ नियम

¹³ फिरसे मए स्वर्गसे कोइके मस्कत सुनो, और बा मोसे कही: “जे बातनके हियाँ लिख। अबसे, अइसे आदमी धन्यके हएं, जो परमेश्वरमे बिश्वास करके मरत हएं।” तओ पबित्र आत्मा पक्का करी और कही, “जा सत्य हए। बे धन्यके हएं, काहेकी बे अपनो कठिन परिश्रमसे अराम करंगे और बिनको करोभओ कामसे उनके इनाम दओ जाबैगो।”

परमेस्वर को सच्चो वचन

¹³ तौ मैं स्वर्ग से जौ अबाज सुनो, कि जौ लिख, कि धन्य हैं बे जो अब से प्रभु की सेवा मैं मरथैं! “हाँ बास्तव मैं!” आत्मा जबाब देथै। “बे अपनी कड़ी मेहनत से आराम को मजा लेंगे, काहैकि उनकी सेवा को फल उनके संग जाथै।”

प्रकाश 14:13 Iomraidhean Croise

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

लूका 16:25

पर अब्राहाम कही, ‘ए लौंणा याद कर, तए अपन जीबन कालमे सबसे अच्छी-अच्छी चीज पाएडारो हए, और लाजरस खराब चीज पाइ रहए। पर अब बो हियाँ अराम पाएरहो हए, और तए कष्ट पाएरहो हए।

लूका 16:9

और मए तुमसे कहात हओं, कि दुनियाको धनसे अपन ताहीं सँगी बनाए लेओ; ताकी जब तुम मरैगे तओ दुनियाको धन काम नाए लगन बारो हुइहए, तओ परमेश्वर और स्वर्गदूत तुमके अनन्त बासस्थानमे स्वागत करंगे।

रोमियों 14:8

अगर हम बचङगे कहेसे प्रभुके ताहीं बचङगे, और मरङगे कहेसे प्रभुके ताहीं मरङगे।

1 कोरिन्थी 15:18

अगर ख्रीष्ट मरे भए मैसे नाए उठो हए, तओ जो बिश्वासी मरीगए हएं, बे नाए बचाएगए हएं, बल्कि बे खोइगए हएं; अर्थात् जा, कि हमेसाके ताहीं परमेश्वरसे अलग हुइगए हएं।

1 कोरिन्थी 15:20

पर सच्चाई जहेहए, कि परमेश्वर नेहात्तओकमे ख्रीष्टके मृत्युसे जिन्दा करी, बहे भरोसामे परमेश्वर बे आदमीनके फिर जिन्दा करैगो जो मरीगए हएं।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

1 थेसलोनिकी 4:14

काहेकी अगर हम बिश्वास करत हएं, कि येशू मरो, और जीइउठो। तओ अइसियए परमेश्वर उनके फिर, जो येशूमे बिश्वास करतए मरिगए हएं, परमेश्वर उनके येशूके सँग लौटाएके लाबैगो।

1 थेसलोनिकी 4:16

काहेकी प्रभु येशू अपनए स्वर्गमे उतरैगो; बो समय आदमी उँचो अबाजमे हुकुम देत सुनंगे, आदमी एक प्रधान स्वर्गदूतके मस्कत सुनंगे और आदमी एक स्वर्गदूतके परमेश्वरको तुरही बजात सुनंगे। और जो ख्रीष्टमे बिश्वास करतए मरिगए हएं, बे पहिले जीइ उठंगे।

1 थेसलोनिकी 5:10

येशू ख्रीष्ट हमरे ताहीं जाकेमारे मरो, कि चहुँ हम जिन्दा होमएं या चहुँ हम मरएं, जब प्रभु येशू लौटके आबैगो हम हमेसा बाके सँग रहिपामएं।

1 तिमोथी 5:24

मए तोसे कहात हओं, कि मण्डलीके रेखदेख करन बारो सेवकके चुननके हतार मत् करीए, काहेकी कुछ आदमी खुल्लम-खुल्ला पाप करत हएं। हियाँतककी न्याय होनसे अग्गुवए, बे बिश्वासीनके अग्गु स्पष्ट रुपसे दोषी हएं। दुस्रे आदमीनको पाप उतना स्पष्ट नाए होत हएं, और सिरफ पच्छुजाएके इकल्लो देखा पणत हएं।

1 तिमोथी 5:25

उइसीयए, जब आदमी अच्छे काम करत हएं, तओ दुस्रे बिश्वासीनके जे स्पष्ट रुपसे देखा पणत हएं। और अगर दुस्रे बिश्वासी उनको काम स्पष्ट रुपसे नाए देखेसे फिर पच्छुजाएके बे उनको कामके पता पाए डारंगे।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 10:4

जब सातौँ गर्जनके अबाज सुनाइ दइडारी, तओ जो मए सुनो बो लिखनके ताहीं तयार रहओं। पर मए स्वर्गसे जा अबाज सुनो, “जो गर्जन कही हए, बोके गुप्तमे धर, जे बातनके मत् लिखए।”

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 11:19

और परमेश्वरको पबित्र मन्दिर जो स्वर्गमे हए, बो खोलो गओ, और बाको मन्दिरमे बाके करारको सन्‍दुक दिखाओगओ, तओ सिंहासनमे बिजुली चमको, बद्रि तड्कनको अबाज और हलाचला आओ और बहुत पत्थर बारो मेँहे बर्षो।

प्रकाश 16:17

सातौँ स्वर्गदूत अपनो कटोरामे भओ चीज हबामे अख्नाइ, और हुवाँ स्वर्गको मन्दिरमे कोइ रहए जो परमेश्वरको सिंहासनसे जोडसे बोली, “मए सब चीज पुरा करदओ हओं।”

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”

प्रकाश 2:1

येशू मोसे अइसेफिर कही, “एफिसस सहरके मण्डलीके स्वर्गदूतके जा सन्देश लिख: मए बहे हओं, जो सात ताराके अपने दहिना हातमे लएहओं, और सात सोनोके दियनके बीचमे नेँगत हओं। जो मए तोसे कहात हओं बोके सुन:

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”

प्रकाश 21:5

सिंहासनमे बिराजमान होन बारो मोसे कही, “देख, मए सब बात नयाँ बनामंगो।” बा अइसेफिर कही, “जा लिख, जो मए कहात हओं बोमे तए बिश्वास कर सकत हए। जे बात सत्य हएं और नेहात्तओ होमंगी।”

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”