प्रकाश 12:4 - राना थारु नयाँ नियम

⁴ और बक पुँछ बादर तरेको तिस्रो भागके तानके पृथ्वीमे डारदइ, और बो अजिंगर बैयरके अग्गु ठाणीगओ, ताकी बक बच्चाके जन्मतए खीना खाए जाए।

परमेस्वर को सच्चो वचन

⁴ बौ अपनी पूँछ से आसमान से एक तिहाई तारन कै खींचकै पृथ्वी मैं फेंक दई, और बौ अजगर बौ औरत के सामने ठाड़गौ, कि जब बौ बालका पैदा करै तौ बौ बालका कै निगल जाबै।

प्रकाश 12:4 Iomraidhean Croise

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

प्रकाश 12:7

परमेश्वरके मुख्य दूत मैसे एक, जौनको नाउँ मिखाएल हए, अपने अधिनमे आन बारे औ स्वर्गदूतनके सँग अजिंगरके बिरुद्ध हमला करी। और अजिंगर और बक दूत मिखाएलके बिरुद्ध लडाइ लडी,

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 13:2

जो राक्षस मए देखो, बो चितर कता रहए; और बक पाउँ भलुवा कता और मुँहुँ बघटा कता रहए। अजिंगर जा राक्षसके अपनी शक्ति दइ और बोके पृथ्वीमे राज्य करनको अधिकार दइदइ।

प्रकाश 13:4

और बे बो राक्षसके आराधना करन लग्गए, और कहान लागे, “बो राक्षस कता औ कौन हए? और कौन बोके सँग लडाइ करपएहए?” और आदमी बो अजिंगरके फिर पुजा करन सुरु करदइं, काहेकी बो जा राक्षसके अपनो अधिकार दइदइ रहए।

प्रकाश 16:13

जाके पिच्छु मए तीन भुत देखो जो मुण्का कता दिखात रहएं। एक अजिंगरके मुँहुँसे बाहेर आओ, एक पहिलो राक्षसको मुँहुँसे बाहिर आओ, एक दुस्रो राक्षसको मुँहुँसे बाहिर आओ, अर्थात् बो जो झुठो सन्देश दइ रहए।

प्रकाश 20:2

और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।

प्रकाश 8:10

तिस्रो स्वर्गदूत अपन तुरही फुँकी; और जाके कारण, बादरसे पजरत ऊँका कता पज्रनडटो एक बडो तारा गिरो। और नदीयाके तिस्रो भागमे और ताजा पानीके मुहानमे गरिगओ।

प्रकाश 8:11

बो ताराको नाउँ “ऐरेलु” हए। और जाके कारण, बो सारा पानी जहाँ जा गिरो, सबए करुवाइगओ, और बहुत आदमी मरिगए।

प्रकाश 8:12

चौथो स्वर्गदूत अपन तुरही फुँकी, और जाके कारण, सूर्यको तिस्रो भाग, और जोनीको तिस्रो भाग और ताराको तिस्रो भागमे नुक्सान हुइगओ, हियाँतककी तारनको तिस्रो भाग अन्धियारो हुइगओ और सूर्यको तिस्रो भागमे उजियारो नाए रहो, और उइसीयए रातको तिस्रो भागमे अन्धियारो हुइगओ।

प्रकाश 8:7

पहिलो स्वर्गदूत अपन तुरही फुँकी, और तुरन्त खुनसे मिलिभइ बहुत पत्थर बारो मेहे और आगी पृथ्वीमे गिरे, और जाके कारण पृथ्वीको तिस्रो भाग जलिगओ; और औ रुखाके तेस्रो भाग जलिगए और सबए हरे जंगलके तिस्रे भाग जलिगए।

प्रकाश 8:8

तओ फिर दुस्रो स्वर्गदूत अपन तुरही फुँकी, और अइसो कुछ जोकी एक बडो पज्रनडटो पहाड कता दिखात रहए, बो समुन्दरमे गिरिगओ; और जाके कारण, समुन्दरको तिस्रो भाग खुन हुइगओ।

प्रकाश 8:9

समुन्दरमे रहान बारे तिस्रे भागके सब जिन्दा प्राणी मारीगए। और समुन्दरके पानीजहाजको तिस्रो भाग फिर नष्ट हुइगए।

प्रकाश 9:10

उनको बिछीन कता पुँछ और खिल रहएं। बे अपनी पुँछके खिलसे पाँच महिनातक आदमीनके कष्ट पुगानमे सक्षम रहएं।

प्रकाश 9:19

पर बे घोडनके ठिन आदमीनके मारनके ताहीं दुई अलग चीज रहएं, एक त बो जो उनके मुँहुँसे निक्रत रहएं, दुस्री उनकी पुँछनमे रहए। काहेकी उनके पुँछ साँप कता रहएं, उनमे आदमीनके काटनके ताहीं मुण रहए।