फिलिप्पी 1:13 - राना थारु नयाँ नियम

¹³ हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

परमेस्वर को सच्चो वचन

¹³ हिंयाँ तक कि, कैसर के पूरे महल के पहरेदार और हिंयाँ के बचे भै सब जनी जानथैं कि मैं कैदखाना के बंधन मैं हौं काहैकि मैं मसीह को सेवक हौं।

फिलिप्पी 1:13 Iomraidhean Croise

प्रेरित 26:29

पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”

प्रेरित 26:31

और बाहिर जात पेती बे आपसमे अइसे बात करीं, “जा आदमी कैदमे जान बारो या ज्यान सजाय पान जैसो त कुछु फिर काम नाए करीहए।”

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

प्रेरित 28:20

जहे बात बुझानके और तुमर सँग भेँट करनके ताहीं मए तुमके हियाँ बुलाओ हओं। हम इस्राएल देशको आसरा, जोकी ख्रीष्ट हए, बहेके ताहीं मए अइसे साँकरसे बँधो हओं।”

प्रेरित 28:30

अपनए भाणामे लओभओ बहे डेरामे पावल दुई सालतक बैठो। पावल अपनएके भेँटन आन बारेनके सबके स्वागत करत रहए।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

फिलिप्पी 1:30

और तुमके उइसीयए कष्ट करनके हए, जैसे तुम मोके कष्ट करत देखे हओ। जब मए तुमर सँग फिलिप्पी सहरमे रहओं। और जौन कष्ट तुम अभए सुनरहे हओ, बो मए हबए फिर जेलमे सहिरहो हओं।

फिलिप्पी 1:7

जा ठिक हए, कि मए तुम सबके ताहीं अइसियए सोँचओं, काहेकी मए तुमसे बहुत प्रेम करत हओं, जबकी मए एक कैदी हओं, या अच्छो समाचारको सच्चाईको रक्षा और साबित कररहो हओं, तुम सब मेरे सँग परमेश्वरको अनुग्रहमे सहभागी होबओ।

फिलिप्पी 4:22

सब पबित्र आदमी, खास करके जो रोमको महाराजा कैसरके घरानाके हएं, तुमके नमस्कार कहात हएं।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।