मर्कूस 5:23 - राना थारु नयाँ नियम

²³ और अइसे कहिके बिन्ती करी, “मेरी छोटी लौंणीया मरन लगीहए, तुम आएके बोके उपर हात धरदेओ, ताकी बो अच्छी हुइके जीइजए।”

परमेस्वर को सच्चो वचन

²³ और जौ कहकै बासे नहोरे करी, “मेरी छोटी लौड़िया मरन पड़ी है; तैं आयकै बाके ऊपर हात रख कि बौ अच्छी हुईकै जिंदी रहाबै।”

मर्कूस 5:23 Iomraidhean Croise

मत्ती 8:3

येशू अपन हात फैलाएके कोढ रोग लागो भओके छुइ और कही, “मए चाँहत हओं, कि तए अच्छो हुइजा।” तओ तुरन्त बोको कोढ रोग अच्छो हुइगओ।

मर्कूस 16:18

अगर बे बिष बारे साँपन्के पकडंगे, तहुँफिर साँप बिनके नुक्सान नाए पुगाबैगो। और अगर कुइ बिषालु चीज पिमंगे, तओ जासे बिनके कोइ हानी नाए हुइहए। बे रोगीनके उपर हात धरंगे और बे अच्छे होमंगे।”

मर्कूस 5:24

तओ येशू और येशूके चेला याइरसके सँग गए। और बणी भारी भिड येशूके पिच्छु लग्गइ, हियाँतककी आदमी येशूके आसपिस ठेलमठेला करन लागे।

मर्कूस 6:13

बे बहुत आदमीन मैसे भुतनके निकारीं, और जैतूनको तेल डारके बहुत रोगीनके अच्छो करीं।

मर्कूस 7:32

हुवाँ आदमी एक बहिरा और गुँगो आदमीके येशू ठिन लियाइं, और बाके उपर हात धरदेबए करके बासे बिन्ती करीं ताकी बो अच्छो हुइजाए।

मर्कूस 8:23

येशू बो अन्धरा आदमीको हात पकणके बोके गाउँसे बाहिर ल्याइ। फिर येशू अपनो थुक, बक आँखीमे लगाइ और अपन हात बक उपर धरके बोसे पुछी, “का तए कुछ देखत हए?”

लूका 13:13

तओ येशू बोके उपर अपन हात धरी, और बो तुरन्तए सुध हुइगइ, और परमेश्वरको प्रसंसा करन लागी।

लूका 4:38

यहूदी सभाघरसे निकरतए खीना येशू सिमोन पत्रुसके घरमे आओ। सिमोन पत्रुसकी सास जाणोसे भरीपणी रहए। और कोइ येशूसे कहीं, सिमोन पत्रुसकी सास बिमार हए।

लूका 4:40

तओ दिन डुबनको समयमे आदमी येशूके जौँणे बहुत किसिमके बेमारिनके और भुत लागे भएनके लियाइं। तओ येशू बे सबके उपर अपन हात धरके बिनके अच्छो करी।

लूका 7:12

जब येशू गाउँके ढिँगै पुगो, तओ मनै एक लहास बोकके बाहिर लैजात रहएं, बो लहास अपनी अइयको इकल्लो लौंणा रहए। और बोकी अइया एक बिधवा रहए, और बोके सँग लहासके मट्टी देनके ताहीं सहरके बहुत मनै जात रहएं।

यूहन्ना 11:3

तओ मार्था और मरियम येशूके खबर पठाइं, “हे प्रभु, देखओ, जौनके तुम प्रेम करत हओ, बो बिमार हए।”

प्रेरित 28:8

बो बेरा पब्लिसको दौवा जाडो और आउँ रोगसे बिमार रहए। तओ फिर पावल पब्लियसको दौवाके कोनेमे गओ और प्राथना करके अपनो हात बोके उपर धरी और बो अच्छो हुइगओ।

प्रेरित 6:6

और इन्के चुनेभए चेलनके अग्गु लाइं और बे प्राथना करके अपनो हात बिनके उपर धरके काम करनके ताहीं बिनके नियुक्त करी।

प्रेरित 8:17

तओ पत्रुस और यूहन्ना अपन हात प्रभुमे बिश्वास करन बारेनके उपर धरीं, और बे पबित्र आत्मा पाइं।

प्रेरित 9:12

बो दर्शनमे देखी रहए, कि हननिया नाउँको एक आदमी भितर आएके बोके उपर हात धरए, ताकी बो देखन बारो हुइजाए।”

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”