मर्कूस 2:2 - राना थारु नयाँ नियम

² और इतनो आदमी जमा भए, कि बे हुवाँ अपाने नाए, हियाँतककी फाटकके बाहिर फिर ठाउँ नाए भओ, और बा बिनके बीचमे परमेश्वरको बचनसे परचार करत रहए।

परमेस्वर को सच्चो वचन

² फिर इत्ते जनी जुराए गै की दुआरे तक जघा नाय मिली; और बौ उनकै बचन सुनात रहै।

मर्कूस 2:2 Iomraidhean Croise

मत्ती 5:2

और बा बिनके शिक्षा देनके सुरु करी:

मर्कूस 1:14

कुछ दिन पिच्छु, बप्तिस्मा देन बारो यूहन्ना पकणिगओ, और जेलमे पणिगओ, तओ पिच्छु परमेश्वरको राज्यके बारेमे आदमीनके अच्छो समाचार परचार करत येशू गालील परदेशमे आओ।

मर्कूस 1:33

आदमीको बहुत बणी भिड सिमोन और अन्द्रियासके घरके बाहिर जम्मा हुइगइ।

मर्कूस 1:37

जब बे येशूके भेटीं तओ बे कहान लागे, “कफर्नहुम गाउँके बहुत आदमी तुमके ढुणरहे हएं।”

मर्कूस 1:45

तओ पिच्छु बो कोढ लागो आदमी चलोगओ, और बो बहुत आदमीनके बताइ, कि येशू बोके अच्छो करीहए। तभीमारे, येशू सहरमे खुल्ला रुपमे आदमीनके बीचमे नाए जाएपाइ। नगरसे बाहिर, बा अइसो ठाउँमे रहए जहाँ एकौ मनै नाए रहएं। तहुँफिर बहुत ठाउँसे आदमी बाके ठिन आतए रहे।

मर्कूस 2:1

बहुत दिन पिच्छु, येशू कफर्नहुम सहरमे लौटो। और आदमीनके पता चलो, कि बा घरमे लौटके आओ हए।

मर्कूस 2:13

येशू एक चोटी फिरसे समुन्दरके किनारे गओ। और बहुत आदमी बाके ठिन आए, और बिनके परमेश्वरको बचनसे शिक्षा देन लागो।

मर्कूस 6:34

जब येशू किनारे उतरो तओ बो एक बहुत भारी भिड देखी, और येशू दयासे भरीगओ। काहेकी बिनको कोइ अगुवा नाए रहए जौन बिनको देखभार करसकए। ठिक उइसीयए जैसेकी, जौन भेंणनको कोइ बकरेहेरा नाए होत हए। और येशू बिनके बहुत बात सिखान लागो रहए।

लूका 12:1

जहे बीचमे जब हजारौँ मनैको भिड जमा भओ, हियाँतककी एकदुस्रेके चिबदानलागे, तओ येशू पहिले अपन चेलासे कहान लागो, “तुम फरिसीनको समुहको खमिरसे होसियार बैठओ!” कहाइको अर्थ हए, “बिनको कपटीपनसे होसियार रहाओ, बो खमिर बिनको खराब बानी हए।”

लूका 5:17

और एक दिन अइसो भओ, कि येशू शिक्षा देत रहए, तओ फरिसीनको समुह और नियम कानुन सिखान बारे हुवाँ बैठे रहएं, जौन गालील परदेशके और यहूदिया परदेशके सब गाउँसे और यरूशलेम सहरसे आए रहएं। और बिमारीसे अच्छो करनके, प्रभुको महान शक्ति येशूके सँग रहए।

लूका 8:1

कुछ दिन पिच्छु येशू बजार-बजार और गाउँ-गाउँ होत परचार करत रहए, और परमेश्वरको राज्यको अच्छो समाचार परचार करत फिरन लागो, और बे बाह्र चेला येशूके सँगए-सँग रहएं।

लूका 8:11

जा कहानीको मतलब जा हए: “बीज परमेश्वरको बचन हए।

प्रेरित 11:19

स्तिफनसके मार डारनके बाद प्रभु येशूमे बिश्वास करन बारेनके सतावट भओके कारणसे बहुत जनै भागे और कित्नो आदमी फोनिके परदेशमे पुगे, कित्नो आदमी, साइप्रस टापू और कित्नो आदमी सिरिया परदेशको एन्टिओखिया सहरमे पुगे। सुरुमे बे परमेश्वरको बचन यहूदीनके इकल्लो सुनाइं।

प्रेरित 14:25

पामफिलिया परदेशमे, बे पर्गा सहरमे परमेश्वरको बचनके परचार करीं और फिर अटालिया सहरमे गए।

प्रेरित 16:6

पबित्र आत्मा पावल, सिलास और तिमोथीके एशिया परदेशके इलाकामे परचार करन जानसे रोकके कारणसे, बे फ्रिगिया और गलातिया परदेश हुइके गए।

प्रेरित 8:25

और इत्का कहिके पत्रुस और यूहन्ना गवाही दइके और प्रभु येशूको बचन सुनाएके, यरूशलेम सहरमे लौटिगए और बे सामरिया परदेशके बहुत गाउँमे अच्छो समाचार परचार करीं।

रोमियों 10:8

जा का कहात हए? तुम जा सन्देश तुमर मुँहुँसे स्वीकार और तुमर मनमे ग्रहण करसकत हओ, जा बो सन्देश हए जौन परमेश्वरमे बिश्वास करन सिखात हए, जो हम परचार करत हएं।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।